Tímarit íslenzkra samvinnufélaga - 01.03.1925, Side 79

Tímarit íslenskra samvinnufélag-a.
269
indi. Unglingar, bændur og jafnvel prestar gerðust veiði-
þjófar og rjúpnamorðingjar. Á 2'á mánuði drápu einstöku
menn svo þúsundum skifti af rjúpu. Til voru þó menn og
jafnvel heil sveitafélög, sem hraus hugur við rjúpnadráp-
inu, og bönnuðu rjúnaveiði í landareign sinni.
Sennilega hefir ekki í mannaminnum, verið drepið
eins mikið af rjúpu og á þessum stutta tíma, sem hún
var friðlaus. Eftir skýrslum að dæma voru 215700 rjúpur
fluttar úr landi fyrir nýár í vetur, og 88862 rjúpur fyrstu
mánuðina, af friðunartímanum, eftir nýár. það verða sam-
tals 249062 fuglar, eða sem svarar 2—3 rjúpur á hvert
mannsbarn á landinu.
Sama daginn og friðunin var úr gildi feld (15. okt.)
voru rjúpur á boðstólum í búðum í Reykjavík síðastliðið
haust og hafa verið það óslitið hingað til. Og í jan-
úarmánuði, viku eða hálfum mánuði eftir, að friðnartím-
inn var byrjaður, auglýstu kaupmenn eftir rjúpu. Um
það leyti voru líka lagðir inn í verslanir hestburðir af
henni. Eftir þessu að dæma virðast lögin hafa verið brot-
in bæði fyrir 15. okt. og eftir 1. jan. Auðvitað hefir eng-
inn verið kærður eða sektaður fyrir slík brot, enda ekki
þótt viðeigandi hér í þessu Gósenlandi lögbrjótanna.
Lögin ættu auðvitað stranglega að banna sölu á rjúpu
meðan hún er friðuð, en það gera þau ekki. Lögbrjótamir
nota sér þetta og þykjast eiga rjúpuna geymda, frá því í
desember, sem þeir selja allan veturinn.
Friðun, sem miðar að því að vemda fugla, um örfá
ár, í því skyni að drepa þá niður, þegar þeim fjölgar aft-
ur, og friðunartíminn er útrunninn, er bygð á eigingirni
og ránseðli manna, en ekki á tilfinningu fyrir réttmætri
tilveru fuglanna í náttúrunni.
Nokkrir fuglar eru taldir upp í lögunum, sem eiga
að vera „alfriðaðir“. En um leið er tekið fram að aðrir
í'uglar skuli vera „friðlausir". þetta verður varla skilið
öðruvísi en svo, að lagalega beri mönnum skylda til, að
útrýma hverjum einasta fugli á landinu, sem ekki er tal-
inn meðal þeirra, er „alfriðaðir“ eru. Og það eru ekki