Andvari - 01.06.1959, Side 90

88
IIANNES PÉTURSSON
ANDVAHI
í síðasta kafla bókarinnar eru beztu
ljóðin, langar mig einkum að nefna Vísu
og Dýr. Fyrra kvæðið bendir til þess, að
Þorsteinn kunni þá list að stikla á stóru,
án þess að missa þræðina úr höndum
sér og geti ort á tilgerðarlausu máli:
Ég er að bugsa um andvarann
þegar liann þaut
um þurra blásna mela;
auðn, einstaka hæð og laut,
andar á sveimi, raddir;
gráir sandar, gamlar vörður,
héla á steinum; stund var siðan þú kvaddir.
í kvæðinu Dýr njóta sín frumleg efnis-
tök og góð bygging. Megi Þorsteini tak-
ast að halda áfram á þeirri braut, sem
þessi kvæði marka, því skáldgáfa hans
virðist njóta sín bezt, þegar um er að
ræða nokkurt aðhald hefðbundins forms,
sem þó er sveigt til fullkominnar hlýðni.
STEFAN ZWEIG:
Veröld sem yar
Sjálfsœvisaga.
Stefan Zweig er tvímælalaust snjallasti og víðkunnasti listamaður þeirrar
bókmenntagreinar, sem mjög hefur kveðið að á síðari áratugum og náð mikl-
um vinsældum: hinnar sálfræðilegu sagnaritunar í listrænum húningi. Slík
sagnaritun er aðeins á skálda færi, enda var Stefan Zweig ágætt ljóðskáld,
samdi nokkrar frábærar smásögur og eina langa skáldsögu, mikið listaverk.
En þær bækur, sem halda munu nafni hans lengst á lofti, eru þó ævisögur
hans. Af þeim má nefna bækurnar um Balzac, Erasmus frá Rotterdam,
Fouché, Magellan, Maríu Stúart og Maríu Antoinette. Fjórar hinar síðast-
nefndu hafa allar verið þýddar á íslenzku, enda hefur Stefan Zweig verið
lesinn hér á landi framar flestum öndvegishöfundum þessarar aldar.
Ágætast allra rita Zweigs er þó ef til vill sjálfsævisaga hans, Veröld sem
var (Die Welt von gestern), sem nú kemur í íslenzkri Jiýðingu Þar er af
mikilli snilld brugðið upp ógleymanlegum myndum úr sögu Evrópu í friði
og stríði, allt frá síðustu áratugum 19. aldar og fram á daga heimsstyrjaldar-
innar síðari. í bókinni lýsir höfundur af frábærri skarpskyggni og næmleik
ýmsum fremstu skáldum og andans mönnum sinnar kynslóðar, er hann hafði
af meiri og minni kynni. Eru í Jieim hópi Hugo von Hofmannsthal, Rainer
Maria Rilke, Gerhart Hauptmann, Theodor Flerzl, Sigmund Freud, Romain
Rolland, Émile Verhaeren, Auguste Rodin. Maxim Gorki, Ricliard Strauss,
Bernard Shaw, H. G. Wells, James Joyce og ýmsir fleiri. Bókin er tvímæla-
laust í röð ágætustu minningarrita, sem samin hafa verið á Jiessari öld.
Ilalldór J. Jónsson og Ingólfur Pálmason hafa íslenzkað hókina og leyst
Jiað torvelda verk vel af hendi.
Bókaútgáfa Menningarsjóðs.
V______________________________________________________________________ J