Andvari - 01.01.1990, Page 134

132
AÐALGEIR KRISTJÁNSSON
ANDVARI
manns hans, Bjarna Thorarensens. Hætt er við að ljóðmæli Bjarna og Gríms
Thomsens þyrftu á rækilegum skýringum að halda í nýjum útgáfum miðað
við það sem hér er gert.
Hver sá sem handleikur Ritverk Jónasar Hallgrímssonar hlýtur að fagna
því hvað allt er hér unnið af mikilli smekkvísi og samboðið listaskáldinu
góða. Að sjálfsögðu nutu útgefendur handaverka Matthíasar Þórðarsonar
sem vann af mikilli elju og lotningu að viðfangsefni sínu. Pað sannaðist á
honum að sjaldan fær sá lof sem á ljósinu heldur. Síðan hefir sitthvað rekið á
fjörurnar og ný tækni gert marga hluti auðveldari í framkvæmd. Er þar fyrst
að telja útgáfuna á kvæðahandritum skáldsins ásamt skýringum sem Ólafur
Halldórsson sá um. Jafnframt leiðir þessi útgáfa hugann að því hve fá skáld
hafa orðið aðnjótandi þeirrar umhyggju og alúðar sem útgáfan ber vitni um.
Hún gæti því orðið sá mælikvarði sem notaður yrði þegar vel á að vanda til
útgáfu á verkum allra þeirra skálda sem enn liggja óbætt hjá garði.