Andvari - 01.01.1954, Page 33

ANDVARI
Steinþór Sigurðsson
29
sköpuðu. Hann var fremur seintekinn til kunningsskapar og vin-
áttu, en trygglyndur. Hann var opinskár og dulur í senn. Trúar-
brögð lét hann liggja milli hluta, en hin mikla gáta tilverunnar
og lífsins lét hann ekki ósnortinn. Því var það, að hann kom
flestum að óvörurn með ritgerð sinni: The Living World. Some
Contribution to a theory of life from a physical 'point of view,
er hann lét prenta og sendi kunningjum sínum síðasta árið, sem
hann lifði. Mætti segja, að það væri líffræðileg viðfangsefni færð
i stærðfræðilegan húning. Sigurður Þórarinsson getur þess í minn-
ingargrein í Náttúrufræðingnum 1947, að ritgerð um svipað efni,
eftir E. Schrödinger prófessor í Dublin, hafi borizt hingað nokkru
eftir að Steinþór lauk við sína ritgerð. ITafi báðir tekið efnið
sömu tökum og komizt að líkri niðurstöðu. — Schrödinger hlaut
Nobelsverðlaun í eðlisfræði 1933.
Má því með sanni segja, að áhugamál Steinþórs stæðu víða
fótum. Eftir hann eru rúmlega 20 ritgerðir prentaðar um hin
sundurleitustu efni í náttúrufræði. Er birt skrá um rit hans í
Náttúrufræðingnum 1947 og í Árbók háskólans.
Steinþór var maður í hærra meðallagi, grannholda og skarp-
leitur, léttur til gangs og þolinn. Augun voru gráblá og festuleg,
ennið hátt og hvelft. Hann var léttur í máli, kunni um margt
að tala og skorti aldrei umræðuefni.
Elann mun aldrei hverfa úr minni þeim, sem þekktu hann
bezt.
„DÓMUR OF DAUÐAN HVERN". Sú var tíð, að eigi
þótti karlmannlegt að verða ellidauður, og skyldi góða fram-
göngu meta meir en langa lífdaga. Hefur lengi eimt eftir af
þeirri lífsskoðun meðal íslendinga. Fórnfýsi fyrir góð málefni er
og verður jafnan hinn fegursti orðstír manna.
Þess var áður getið, að víða hefðu staðið auð skörð og vand-
skipuð í félagsmálum eftir fráfall Steinþórs. Kom þetta á ýmsan
hátt fram í verki og má segja, að honum látnum væri sýndur
allur sá sómi, sem beztu sonum lands og þjóðar verður í té látinn