Andvari - 01.01.1933, Side 24

20
Fiskirannsóknir.
Andvari
Grindavík eða austan yfir fjall eða jafnvel frá fjarlæg-
tim stöðum, eins og Vestmanneyjum og Stykkishólmi.
Rannsóknarferðir hefi ég aðallega farið á togaranum
>Skallagrími<; á honum fór ég tvær ferðir, aðra vorið
1931, norður fyrir land, hina í vor er leið á ýmis djúp-
mið við vesturströnd landsins, eins og síðar verður getið
nánara. — Þá er ég hafði yfirgefið >Dönu< á Siglu-
firði 1931, dvaldi ég þar nokkra daga meðan ég beið
eptir skipsferð (>Esju<) heim. Fékk ég tækifæri til að
athuga mótorbátsafla af djúpmiðum þar út og vestur,
góða viðbót við það sem ég hafði áður athugað þar um
vorið á »Skallagrími<. En á leiðinni heim kom ég við
á ýmsum stöðum, sem ég hafði eigi komið á í langa
tíð og mun ég geta þess nokkuð nánara síðar. — í
sumar sem leið yfirgaf ég »Dönu« á Patreksfirði og
dvaldi þar vikutíma, því að þangað hafði ég ekki komið
lengi, nema með örstuttri viðstöðu á »Dönu« 1924 og
1926. Fór ég þaðan heim á »Brúarfossi«, með stuttri
viðkomu á Breiðafjarðarhöfnunum. — Loks skal ég geta
þess, að ég hefi komið til Grindavíkur, bæði haust og
vor, eins og undanfarið og safnað þar kvörnum úr þorski
til aldurs-ákvarðana fyrir Árna Friðriksson. Svo var ég
þar í viku í ágúst síðastliðið sumar og kom um leið til
Keflavíkur. í ágúst 1931 brá ég mér til Borgarness og
upp að Ferjukoti og hafði tækifæri til fá upplýsingar um
veiðiskap Borgnesinga. — Loks skal þess getið, að ég
brá mér til Kaupmannahafnar í sumar er leið (7.-25.
sept.) til þess að hitta próf. Johs. Schmidt að máli;
hann ætlaði að koma hingað til lands á >Dönu< í sum-
ar er leið, en gat það ekki vegna fundahalda rann-
sóknaráðsins; varð ég því að heimsækja hann.
Skal nú skýrt nánar frá því, hvers ég hefi orðið vís-
ari á þessum rannsóknarferðum.