Fréttablaðið - 21.11.2009, Síða 86

BAKÞANKAR
Davíðs Þórs
Jónssonar
Kaldhæðni er vandmeðfarin og senni-lega í bráðri útrýmingarhættu. Sú
skemmtilega list að segja eitthvað eitt til
þess að segja í raun eitthvað allt annað
undir niðri virðist nefnilega hitta í mark
hjá sífellt færri neytendum afþreyingar.
Kannski er það einmitt þar sem hundur-
inn liggur grafinn. Þegar afþreying verð-
ur að áreynslulausri neyslu sem hægt er
að taka við algerlega hugsunarlaust, án
nokkurrar þekkingar á menningarum-
hverfi sínu eða bakgrunni þess, hvað þá
einhverrar næmni á blæbrigði tungu og
tjáningar eða læsis á vísanir og skírskot-
anir, missir viðtakandinn auðvitað hvat-
ann og þar af leiðandi smám saman
einnig hæfileikann til að skyggnast
undir yfirborð þess sem borið er á borð
fyrir hann. Þetta er hin nýja lesblinda
sem menningu okkar og almennum
skemmtilegheitum í samfélaginu staf-
ar mun meiri hætta af en hinni.
Þetta er blinda á merkinguna
á milli línanna.
ÞETTA form lesblindu
á sér þó býsna skondnar
birtingarmyndir. Það ger-
ist einkum þegar þeir,
sem verið er að hæðast
að, eru of heimskir til að
sjá háðið á milli línanna.
Nýjasta dæmið um svona
heimsku er svokallaður dagur ofbeldis
gegn rauðhærðum. Hann mun eiga rætur
að rekja til bandarísku sjónvarpsþáttanna
South Park. Í einum þáttanna heldur kyn-
þáttahatarinn Cartman þrumuræðu um
að rauðhært fólk sé heimskt, ómennskt
og sálarlaust, enda hafi Júdas verið rauð-
hærður. Það sem gerist í kjölfarið er
skrumskæling á þekktum vampírumynd-
um. Hinir rauðhærðu eru skuggalegar
næturverur sem þyrstir í blóð, Cartman
sjálfur verður rauðhærður og gerist
leiðtogi rauðkollanna.
ÞÁTTURINN er bráðfyndin og skelegg
háðsádeila á fordóma. Stillt er upp mis-
munun á hlægilega langsóttum forsendum
og sýnt hve afkáraleg hún er, líka þótt for-
sendur hennar kunni að vera kunnuglegri.
Þetta virðist aftur á móti hafa farið fyrir
ofan garð og neðan hjá flestum. Börn hafa
tekið speki Cartmans alvarlega, rétt eins
og einhvern tímann sé að marka orð af
því sem hann segir, og höfundarnir verið
gerðir ábyrgir fyrir ofbeldi gegn rauð-
hærðum – sem þeir voru einmitt að hæða.
Að mínu mati stafar þetta af því að of
mikið af forheimskandi afþreyingu hefur
gert fólk of heimskt til að átta sig á því að
enn er til list þar sem merkingin liggur
ekki öll á ysta yfirborði hennar, list sem
gerir kröfu til þess að fólk hugsi um það
sem er verið að segja því.
Hin nýja lesblinda
58 21. nóvember 2009 LAUGARDAGUR
■ Pondus Eftir Frode Øverli
■ Gelgjan Eftir Jerry Scott & Jim Borgman
■ Handan við hornið Eftir Tony Lopes
■ Barnalán Eftir Jerry Scott & Rick Kirkman
Hefurðu
séð skóna
mína?
Hefurðu
séð peys-
una mína?
Hefurðu séð
buxurnar
mínar?
Hefurðu séð
jakkann minn?
Solla, þetta er allt í
skápnum þínum.
Hefurðu séð
skápinn minn?
Úti að borða
með
ofurfyrirsætum
Get ég fengið hálfan skammt
af selleríi, án sellerísins.
Er þetta tófú með
lítið af
hitaeiningum?
Ég eyddi þremur tímum
í að þrífa inni hjá Palla
og á 30 sekúndum
draslaði hann bara
ennþá meira til en áður.
Ég skal tala
við hann.
Palli. Mamma þín er
virkilega reið yfir drasl-
inu í herberginu þínu.
Þetta er allt í
lagi. Hún er
bara í smá rusli
pabbi.
Jólameistaramótið
heldur áfram.
4. umferð.
5. umferð. 8-liða
úrslit.
Undan-
úrslit.
Manstu eftir köku-
happdrættinu sem við
héldum. Þú hlóst að
ostakökunni minni.
Þú hlærð ekki núna,
er það nokkuð?
Róleg, Elsa.
Hún er ekki
þess virði.
Sjáu
mst
!
Startarar og
alternatorar
Stilling hf. • Sími 520 8000 • www.stilling.is • stilling@stilling.is
Auglýsingasími
– Mest lesið
Hringdu í síma
ef blaðið berst ekki