Fréttablaðið - 21.11.2009, Síða 102

74 21. nóvember 2009 LAUGARDAGUR
sport@frettabladid.is
Sigrún Brá Sverrisdóttir úr Ægi varð fyrsti meistarinn á Íslandsmót-
inu í 25 m laug þegar hún tryggði sér sigur í 800 metra skrið-
sundi á fimmtudagskvöldið. Sigrún gerði gott betur því hún setti
líka nýtt glæsilegt Íslandsmet. Metið var orðið 17 ára gamalt en
það átti Ingibjörg Arnardóttir úr Ægi sem synti á 8:53,85 mínút-
um árið 1992. Sigrún synti á 8:46,47 mínútum, sem er bæting
upp á rúmar sjö sekúndur.
„Ég er mjög ánægð með þetta sund og get ekki sagt
annað. Ég var samt í rauninni ekki búin að hugsa neitt
rosalega mikið um þetta met. Ég ákvað bara að fara ofan
í laugina og sjá hvað ég gæti. Það munaði mjög miklu
fyrir mig að það voru tvær að synda nálægt mér allan
tímann og það er gott að hafa keppni,“ sagði Sigrún en
þær Inga Elín Cryer úr ÍA og Eygló Ósk Gústafsdóttir úr
Ægi syntu líka báðar undir gamla metinu.
„Ég og Inga vorum á sama stað næstum því allt sundið
þannig að það var ekkert hægt að slaka á og maður varð
að hugsa um það sem maður var að gera og halda áfram,“
segir Sigrún.
Hún segist nánast aldrei synda 800 metrana í einni lotu á
æfingum og því vissi hún ekki alveg hvar hún stæði fyrir sundið
í fyrrakvöld. „Maður þarf að byrja svolítið vel en samt verður
maður að passa sig að byrja ekki of hratt svo maður deyi nú
ekki í endann því það er ekki þægilegt,“ segir Sigrún. Hún var
þarna samt að taka annað 17 ára met af Ingibjörgu á árinu
en í mars sló hún metið í 800 metra skriðsundi í löngu
lauginni. Sigrún segist ekki búast við að hennar met
lifi jafnlengi. „Ég get ekki búist við að eiga þessi met
jafnlengi og hún. Það væri í raun frekar leiðinlegt því
þá væri engin framför í sundinu. Ég ætla mér líka að
reyna að bæta þessi met eitthvað meira sjálf áður en
ég hætti,“ segir Sigrún.
Íslandsmótið í 25 metra laug heldur áfram í dag á
morgun og verður Sigrún áfram í sviðsljósinu. „Þetta er
bara byrjunin hjá mér á þessu móti og ég ætla að halda
áfram að reyna að gera vel. Ég ætla að reyna að ná góðum
tímum á morgun og hinn,“ sagði Sigrún við Fréttablaðið
í gær.
SIGRÚN BRÁ SVERRISDÓTTIR: BÆTTI ANNAÐ 17 ÁRA GAMALT MET INGIBJARGAR ARNARDÓTTUR Á ÁTTA MÁNUÐUM
Get ekki búist við að eiga þessi met jafnlengi
> Viggó rekinn frá Fram
Handknattleiksdeild Fram ákvað í gær að segja Viggó
Sigurðssyni þjálfara upp störfum. Undir stjórn hans
hefur Fram ekki náð sér á strik í N1-deild karla í haust
og vermir botnsæti deildarinnar með aðeins tvö stig
eftir sex leiki. Steininn tók úr þegar Fram tapaði fyrir
Akureyri á heimavelli í fyrrakvöld, 27-18. Viggó
var samningsbundinn Fram út leiktíðina en
aðstoðarþjálfari hans, Einar Jónsson, mun
stýra Fram í næstu leikjum að minnsta kosti.
Iceland Express-deild karla
ÍR - Snæfell 72-92
Stig ÍR: Hreggviður Magnússon 18, Eiríkur
Önundarson 9, Nemanja Sovic 9, Steinar Arason
8, Gunnlaugur Elsuson 8 (7 frák.), Kristinn
Jónasson 7, Davíð Fritzson 4, Ólafur Þórisson 3,
Vilhjálmur Steinarsson 3, Ásgeir Hlöðversson 2,
Björgvin Jónsson 1.
Stig Snæfells: Jón Ólafur Jónsson 24 (7 frák.),
Emil Þór Jóhannsson 18, Sean Burton 15, Hlynur
Bæringsson 14 (14 frák.), Sveinn Davíðsson 6,
Páll Helgason 6, Pálmi Freyr Sigurgeirsson 5,
Kristján Andrésson 4.
Njarðvík - Breiðablik 78-64
Stig Njarðvíkur: Magnús Þór Gunnarsson 18,
Jóhann Árni Ólafsson 18 (7 frák.), Guðmundur
Jónsson 11, Friðrik Stefánsson 9 (13 frák.), Páll
Kristinsson 9, Kristján Sigurðsson 5, Hjörtur
Hrafn Einarsson 4, Rúnar Ingi Erlingsson 2, Friðrik
Óskarsson 2.
Stig Breiðabliks: Hjalti Friðriksson 18, Arnar
Pétursson 12, Daníel Guðmundsson 10, Ágúst
Angantýsson 7, Gylfi Geirsson 5, Jonathan
Schmidt 5, Þorsteinn Gunnlaugsson 4 (19 frák.),
Rúnar Pálmarsson 2, Trausti Jóhannsson 1.
FSu - Fjölnir 77-98
STAÐAN
Njarðvík 7 7 0 597-503 14
Keflavík 7 6 1 625-499 12
KR 7 6 1 637-560 12
Stjarnan 7 5 2 617-562 10
Snæfell 7 5 2 637-517 10
Grindavík 7 4 3 608-549 8
Hamar 7 3 4 582-595 6
ÍR 7 2 5 581-614 4
Tindastóll 7 2 5 550-630 4
Breiðablik 7 1 6 504-599 2
Fjölnir 7 1 6 518-636 2
FSu 7 0 7 488-680 0
ÚRSLIT
KÖRFUBOLTI Corey Lewis, leikmað-
ur FSu, var dæmdur í fjögurra
leikja bann fyrir að hrinda dóm-
ara í leik liðsins gegn Snæfelli
í síðustu viku. Aganefnd KKÍ
úrskurðaði um það í vikunni.
Þá fékk Ágúst Dearborn, Hetti,
þriggja leikja bann fyrir „viljandi
líkamsmeiðingar gegn leikmanni,
þjálfara eða fylgismanni liðs,“
eins og segir í úrskurðinum. - esá
Leikmaður FSu í langt bann:
Í bann fyrir að
hrinda dómara
SUND Fjögur Íslandsmet féllu
á öðrum keppnisdegi Íslands-
meistaramótsins í sundi í 25
metra laug í gær. Jakob Jóhann
Sveinsson, Ægi, bætti eigið
Íslandsmet í 200 metra bringu-
sundi er hann synti á 2:07,75
mínútum á Íslandsmeistaramót-
inu í 25 metra laug í dag. Hann
bætti gamla Íslandsmetið sitt um
tæpar þrjár sekúndur.
Erla Dögg Haraldsdóttir bætti
eigið met í 100 m fjórsundi um
eina sekúndu er hún synti á
1:01,77 mínútum. Ragnheiður
Ragnarsdóttir, KR, bætti einnig
eigið met í 100 m skriðsundi er
hún synti á 54,76 sekúndum. Hún
bætti metið um 0,23 sekúndur.
Þá bætti kvennasveit Ægis
Íslandsmetið í 200 m boðsundi
er hún synti á 1:46,11 mínútum.
Sveitina skipa Sigrún Brá
Sverrisdóttir, Eygló Ósk Gústafs-
dóttir, Karen Sif Vilhjálmsdóttir
og Jóhanna Gerða Gústafsdóttir.
- esá
ÍM í 25 metra laug:
Fjögur Íslands-
met féllu í gær
JAKOB JÓHANN Setti glæsilegt Íslands-
met í 200 metra bringusundi í gær.
FRÉTTABLAÐIÐ/STEFÁN
KÖRFUBOLTI Snæfellingar unnu
öruggan 20 stiga sigur á ÍR-
ingum í Kennaraháskólanum í
Iceland Express-deild karla í gær.
Hólmarar gerðu út um leikinn á
rúmum þremur mínútum í lok
þriðja leikhluta þegar þeir skor-
uðu 21 stig gegn aðeins 2 stigum
heimamanna og breyttu stöðunni
úr 44-50 í 46-71. Eftir það var
engin spurning að gestirnir færu
heim með bæði stigum.
„Við misstum aðeins einbeit-
inguna. Þeir voru átta til tíu stig-
um á undan okkur en svo slök-
uðum við aðeins á og þeir settu
nokkra feitar körfur ofan í sem
afgreiddu málið,” sagði Jón Arnar
Ingvarsson, þjálfari ÍR.
Snæfell byrjaði leikinn af krafti
en ÍR-ingar komu sér inn í leik-
inn á ágætri svæðisvörn og fínum
framlögum frá Kristni Jónassyni
og Eiríki Önundarsyni af bekkn-
um. ÍR-liðið átti hins vegar engin
svör þegar Jón Ólafur Jónsson og
skyttur Snæfells hrukku í gírinn
í seinni hálfleik.
Jón Ólafur skoraði aðeins fimm
stig í fyrri en bætti fyrir það með
því að skora 19 stig í seinni hálf-
leik, þar af 14 þeirra í þriðja leik-
hluta þegar leiðir skildu með
liðunum.
„Ég held að við séum í betra
formi en þeir. Mér sýndist það
á öllu. Þeir eru með mjög hæfi-
leikaríka menn en mér fannst
þeir bara springa. Það hjálpaði
líka til að Nonni Mæju vaknaði,“
sagði Hlynur Bæringsson, fyr-
irliði Snæfells, og skaut aðeins
á félaga sinn Jón Ólaf (Nonna
Mæju).
„Hann var í villuvandræðum í
fyrri hálfleik og í þær fáu mín-
útur sem hann var inni á vellin-
um þá var hann ekki með. Ég veit
ekki hvar hann var. Hann er ann-
aðhvort langbesti maðurinn á vell-
inum eða hann fer alveg niður.“
Hlynur segir að liðið eigi enn
eftir að fara í gegnum stóra próf-
ið. „Ég held að við verðum að bíða
með það að sjá hvað við getum
því við erum ekki búnir að spila
við þessi bestu lið. Við sjáum til
hvort við séum tilbúnir í stóru
liðin. Við ætlum allavega að láta
vaða í þau,“ sagði Hlynur sem
var með 14 stig, 14 fráköst og 6
stoðsendingar í gær.
„Við hikstuðum fullmikið á
móti svæðinu þeirra í öðrum leik-
hluta en við leystum það mjög vel
í seinni hálfleik og fengum þá
opin og fín færi. Nonni var síðan
sjóðandi heitur á þessum tíma þar
sem við kláruðum leikinn,“ sagði
Ingi Þór Steinþórsson, þjálfari
Snæfells.
„Þó svo að okkar lykilmenn hafi
ekki verið að spila sinn besta leik
þá fannst mér liðið vera að virka
vel í heildina. Við erum að leika
án Sigurðar Þorvaldssonar sem
er stór póstur sem er erfitt að
vera án,“ sagði Ingi „Ég var mjög
stressaður fyrir þennan leik því
það má ekki vanmeta þetta ÍR-
lið. Ég var mjög ánægður hvernig
liðið mitt kom til leiks. Við lentum
í hindrunum eftir að hafa byrj-
að mjög vel. Það var síðan mjög
gott hvernig við leystum leik-
inn.“ Ingi og Hlynur voru báðir
ánægðir með nýja Kanann, Sean
Burton, sem var með 15 stig og 8
stoðsendingar í gær.
Jón Arnar þarf hins vegar að
lagfæra ýmislegt hjá ÍR-liðinu.
„Ég held að við eigum að geta
betur en þetta.Við erum að reyna
að þétta þetta saman og gera þetta
að alvöru liði. Ég er ekki ánægð-
ur með síðustu tvo leiki þar sem
við höfum ekki verið nægilega
klárir i þessi stærri lið,“ sagði
Jón Arnar.
Njarðvíkingar unnu sinn sjö-
unda leik í röð í deildinni þegar
þeir unnu 78-64 sigur á Blikum
og nýliðar Fjölnis fögnuðu sínum
fyrsta sigri í vetur þegar þeir
unnu FSu. ooj@frettabladid.is
Ætlum að vaða í stóru liðin
Snæfellingar skildu ÍR-inga eftir með frábærum spretti í þriðja leikhluta. Njarð-
víkingar eru áfram ósigraðir á toppnum eftir 14 stiga heimasigur á Blikum.
BARÁTTA Jón Ólafur Jónsson átti mjög góðan leik fyrir Snæfell og skoraði 24 stig. Hér
er hann í baráttunni við ÍR-inginn Eirík Önundarson. FRÉTTABLAÐIÐ/STEFÁN