Vikan - 13.06.1991, Page 15

(VLÖG ORÐIN
»AGÐUR HLUTI
ÍMYNSTURS
Pétur Björnsson hjá Ferðaskrifstofunni
Sögu, nýbakaður ræðismaður Ítalíu á ís-
landi, hefur margra ára reynslu af farar-
stjórn. Hann vill sérstaklega beina því til
ferðalanga að þeir undirbúi sig andlega
undir sérkenni og andrúmsloft þess lands
sem sækja skal heim.
„Sumum löndum svipar til íslands, önnur
lönd eru afar ólík íslandi en aðalatriðið er aö
fólk fari ekki með alrangar hugmyndir um
áfangastaðinn eða geri sér of háar hugmyndir
um hann. Oft er það nefnilega þannig þegar
fólk lendir á flugvelli og fer fyrstu nóttina inn á
hótel að það verður fyrir áfalli því aðstæður
samsvara ekki þeim hugmyndum sem fólk
hafði um staðinn. Svo er fólk oft dauðþreytt
eftir flugferð og leggur auk þess oft örþreytt af
staö í fríið. Þetta var sérstaklega slæmt þegar
áfengisneysla var meiri hjá íslendingum heldur
en núna tíökast. Þá þurftu menn ekki nema eitt
eða tvö glös til að verða ofurölvi. Þetta hefur þó
breyst mjög mikið og fólk hefur fengið mun af-
slappaðra viðhorf til áfengis á síðustu fimmtán
árurn," segir hann.
„Það má eiginlega ráðleggja fólki að hefja
fríið degi áður en vélin fer, svo það fari vel hvílt
af stað, sérstaklega ef verið er að fara í langar
ferðir. Oft getur nefnilega þreyta og spenna
valdið fólki stórtjóni á líkama og sál því það er
svo mikil áreynsla fyrir líkamann að skipta um
umhverfi. Það er kannski óþarfi að benda á
það en það versta sem fólk drekkur í flugferð-
um er áfengi vegna þess að það þurrkar upp
líkamann, auk þess sem loftið í flugvélum
eykur enn á þurrkinn. Fólk, sem fer í langar
flugferðir, ætti því að borða tiltölulega lítið og
varast að neyta áfengra drykkja."
- Hverju ætti fólk annars að huga að áður
en það fer?
„Mikilvægt er að muna eftir að hafa öll skjöl
og gögn í lagi og halda þeim vel til haga. Fólk
á til að gleyma ýmsum mikilvægum skjölum og
gögnum og það getur þýtt að helmingur frísins
fer í að redda slíkum málum.
Þegar fólk er komið á áfangastað þarf það
gjarna að gæta þess að það er í nýju landi þar
sem í gildi eru allt aðrar umgengnisvenjur en
við eigum að venjast hér heima. Matarvenjur
eru aðrar og allt aðrir siðir og þetta þarf fólk að
vera sér meðvitandi um. Fylgi fólk ákveðnum
reglum í sambandi við mat og drykk getur það
vel dvalið við Miðjarðarhafið án þess að verða
►
Pétur vill að ferðalangar búi sig sérstaklega and-
lega undir andrúmsloft þess lands 'sem sækja
skal heim. Stóra myndin til hægri er tekin á hinni
drifhvítu strönd Sa Coma á Mallorca sem Úrval-
Útsýn fiytur farþega til. uósm.: pjm
fyrir daglegum magakveisum. Það er stórt
atriði aö forðast að drekka kranavatn þegar til
Suðurlanda er komið og það gildir kannski um
flest lönd nema Island. Nú eru orðnir fáir staðir
eftir í heiminum þar sem fólk getur drukkið
kranavatnið óhrætt.“
ÍSLENSKUR JÓLAMATUR
Á BAÐSTRÖNDINNI
- Hvað er nú eftirminnilegast úr fararstjórn-
inni?
„Það er mýmargt en sem dæmi get ég nefnt
að á Italíu var ég oft spurður hvaða sérkenni-
lega lykt þetta væri sem fylgdi þessu íslenska
fólki. Það var þá ýmist hangikjötslykt eða salt-
fisklykt sem um var að ræða. Ég man eftir einu
sumri þegar ég var kominn í stökustu vand-
ræði því íslendingarnir voru alltaf að keppast
um aö bjóða manni í hangikjötsveislur. Þeir
héldu aö þaö væri það besta sem maður fengi
eftir að hafa verið svona langdvölum í útlönd-
um. Hangikjöt var hins vegar ekki beint það
léttmeti sem maður óskaði sér í hitunum og
þess vegna var það dálítið erfiö kvöð á stund-
um að innbyrða mikið af því. Þetta tók fólk meö
sér í stórum stíl og grænar baunir frá Ora með.
Þetta stafaði bæði af því að fólk var óvant suð-
rænum mat en ekki síður af því að gjaldeyris-
hömlur voru miklar svo fólk vildi reyna að
kaupa einhverja minjagripi fyrir gjaldeyrinn í
stað þess aö fara meö hann allan i mat.
Annars eru íslendingar orðnir miklu ferða-
vanari og síðan ég hóf fararstjórn eru komnar
TEXTI: PÓRDÍS BACHMANN