Vikan - 13.06.1991, Blaðsíða 41

hvern lækni. Sú þriðja virtist vera að tala við hár-
greiðslukonuna sína.
„Afsakið, ég verð að fá að hringja," sagði
Johnny.
Hjúkrunarkonan lagði höndina yfir símanum.
„Það er sjálfsali frammi á ga ... “
„Takk,“ sagði Johnny og tók af henni símann.
Hann hringdi í 0 og fékk talsón. „Hvað er að
símanum?"
„Heyrðu!" hrópaði hjúkrunarkonan sem hafði
verið að tala við hárgreiðslukonuna sína. „Hvern
andskotann heidurðu að þú sért að gera? Fáðu
mér símann!“
Johnny mundi að hann var á sjúkrahúsi með
eigin símstöð og hringdi í 9 til að fá línu út. Svo
hringdi hann aftur í 0.
Hjúkrunarkonan þreif í símann, kinnarnar á
henni logandi af reiði. Johnny ýtti henni frá sér.
„Hvað er eiginlega að þessum rugludalli, Eiieen?"
spurði hún hörkulega. Hinar hjúkrunarkonurnar
tvær höfðu sett frá sér kaffibollana og störðu opin-
mynntar á Johnny.
Eileen yppti öxlum. „Ég veit það ekki, hann
bara..."
„Ég þarf að tilkynna eldsvoða í gamla bænurn,"
sagði Johnny í símann. „Hvaða númer á ég að
hringja í?“
„Hvaða hús er að brenna?“ sagði ein hjúkrun-
arkvennanna.
„Hann segir að það sé húsið mitt,“ sagöi Eileen
óstyrk.
Sú sem hafði verið að tala í símann leit aftur á
Johnny. „Guð, það er þess/,“sagði hún.
Johnny var búinn að fá samband við slökkvi-
stöðina í gamla bænum. „Ég heiti John Smith og
þarf að tilkynna eldsvoða. Hann er að ... “ Hann
leit á Eileen. „Hvar býrðu?“
Andartak hélt Johnny að hún ætlaði ekki að
segja honum það. Það kom ekki orð upp úr henni.
Hjúkrunarkonurnar tvær voru búnar að leggja
kaffibollunum, komnar út í horn herbergisins og
hvísluðust þar stóreygðar á.
„Viltu að kettirnir þínir stikni?" spurði Johnny.
„Miðstræti 624,“ sagði Eileen treglega. „Þú ert
búinn að missa glóruna, Johnny."
Johnny endurtók heimilisfangið í símann.
„Bruninn er í eldhúsinu."
„Og hvað heitir þú?“
„John Smith. Ég hringi frá sjúkrahúsi Austur-
Maine í Bangor."
„Má ég spyrja hvernig þú fékkst þessar upplýs-
ingar?“
„Við myndum vera í símanum það sem eftir er
dagsins. Þessar upplýsingar eru réttar. Farið nú
og slökkvið eldinn." Hann skellti símanum á.
....og hann sagði að móðir Sams Weizak
væri ennþá..."
Hún þagnaði og leit á Johnny. Andartak fann
hann augnaráð þeirra allra á sér - eins og örsmá,
heit lóð. Hann vissi hvað kæmi út úr þessu og leið
illa við tilhugsunina.
„Áttu vinafólk í næsta húsi, Eileen,“ spurði
hann.
„Já ... Burt og Janice eru við hliðina ... “
„Er annað hvort þeirra heima?"
„Janice er áreiðanlega heima, já.“
„Hvers vegna hringirðu ekki í hana?“
Eileen kinkaði kolli, skildi skyndilega hvað hann
var að fara. Hún tók símann og valdi númer.
Hjúkrunarkonurnar stóðu hjá og fylgdust eftir-
væntingarfullar með eins og þær hefðu af slysni
stigið inn í spennandi sjónvarpsþátt.
„Halló, Jan? Þetta er Eileen. Ertu í eldhúsinu?
Viltu líta út um gluggann og segja mér hvort allt
virðist með felldu hjá mér? Vinur minn segir...
Ég segi þér það þegar þú ert búin að gá að því?“
Eileen roðnaði. „Já, ég bíð.“ Hún leit á Johnny og
endurtók: „Þú ert búinn að missa glóruna,
Johnny.“
Biðin virtist óendanleg. Svo fór Eileen að hlusta
aftur. Hún hlustaði lengi og sagði svo með undar-
iega bældri rödd, alls ólíkri sinni venjulegu rödd:
„Nei, það er allt í lagi, Jan. Það er búið að hringja.
Nei. .. ég get ekki útskýrt það núna en ég segi
þér það seinna." Hún leit á Johnny. „Já, furðulegt
að ég skyldi vita það ... en ég get útskýrt það. Að
minnsta kosti held ég mig geta það. Bless."
Hún lagði símann á. Þau horfðu öll á hana,
hjúkrunarkonurnar af forvitni, Johnny aðeins af
fullvissu.
„Jan segir að það gjósi reykur út um eldhús-
gluggann rninn," sagði Eileen og allar hjúkrunar-
konurnar þrjár stundu í kór. Augu þeirra, galopin
og eins og ásakandi, beindust aftur að Johnny.
Augu kviðdóms, hugsaði hann niðurdreginn.
„Ég ætti að fara heim,“ sagði Eileen. Ákveðni,
jákvæði sjúkraþjálfarinn var á bak og burt og í
staðinn komin lítil kona með áhyggjur af köttunum
sínum, heimilinu og hlutunum. „Ég... ég veit
ekki hvernig ég á að þakka þér, Johnny ... fyrir-
gefðu að ég skyldi ekki trúa þér en ... “ Hún fór
að gráta.
Ein hjúkrunarkvennanna færði sig til hennar en
Johnny varð á undan. Hann lagði handlegginn
utan um hana og leiddi hana fram á ganginn.
„Þú getur þetta þá,“ hvíslaði Eileen. „Það sem
sagt var... “
„Ég er viss um að þetta verður allt í lagi,“ sagði
Johnny. „Það verða minni háttar reyk- og vatns-
skemmdir en ekkert annað. Kvikmyndaplakatið úr
Butch Cassidy and the Sundance Kid, þú tapar
því líklega en það er allt og sumt.“
„Já, allt í lagi. Þakka þér fyrir, Johnny. Guð
blessi þig.“ Hún kyssti hann á kinnina og skokkaði
af stað fram ganginn. Hún leit einu sinni við og
svipurinn var eins og hún hefði séð vofu.
STIÖRNUSPÁ
HRÚTURINN
21. mars - 19. apríl
y Þú átt tvær góðar vikur
fram undan en búðu þig samt
undir meiri alvöru í lífinu seinna.
Andagiftin blómstrar, svo langt
sem það nær, og þú ættir að
hagnýta þér það. Annað fólk
skiptir þig ekkert sérstöku máli
eins og er.
NAUTIÐ
20. apríl - 20. maí
Ef þú getur tekið sumarfrí
núna færöu ekki betri tíma. Verði
því ekki við komið skaltu samt
njóta lífsins því það brosir við þér
og þú getur ýtt ábyrgðarmálunum
til hliðar. Leggðu góðar hugdettur
á minnið fyrir seinni tíma.
TVÍBURARNIR
21. maí - 21. júní
Aðlagaðu þig rólegheitum
fyrstu daga júlímánaðar. Nýjar
hugmyndir gætu virkað örvandi
en þú kemur þeim ekki í fram-
kvæmd að svo stöddu. Þessi
tímabundna andlega lægð á þó,
sem betur fer, ekki viö um alla í
tvíburamerkinu.
KRABBINN
22. júní - 22. júlí
Fjármálin eru á fleygiferð
og krefjast þess aö þú notir pen-
ingana skynsamlega. Nú er ekki
rétti tfminn til að eyða í munað,
þótt það sé freistandi. Vertu samt
opin(n) fyrir öllum góðum áhrifum
því að sumarið fer vel í þig.
UÓNIÐ
23. júlí - 23. ágúst
Þú hefur nóg að gera í
byrjun júlí og færö betri og betrí
hugmyndir. Samviskusemi er svo
sem ágæt en þó er ekki rétti tím-
inn til stórframkvæmda í bili. Ein-
hver óvissa liggur í loftinu en mál-
in breytast meö nýju tungli um 11.
júlí.
MEYJAN
24. ágúst - 23. sept.
Þú heldur sjálfsathugun-
um þínum áfram og verður margs
vfsari. Næstu tvær vikur verða
fremur stöðugar svo að þú færð
mest út úr því að láta lífið ganga
sinn vanagang. Kvíddu þó engu
þvf að seinna áttu orkumeiri tíma
í vændum.
VOGIN
24. sept. - 23. okt.
Fjöldi skemmtilegra at-
vika verður á vegi þínum og
sennilega kynnistu hrífandi
persónum enda virkarðu þannig á
fólk um þessar mundir að það
sækist eftir félagsskap þínum. Þú
ert í góðu jafnvægi og kannt að
meta það.
SPORÐDREKINN
24. okt. - 21. nóv.
Atvinnumálin krefjast
mikils af þér næstu daga. Reyndu
samt að fylgjast vel með því sem
er að gerast í kringum þig. Ýmis-
legt er að brjótast um í höfðinu á
þér en þú átt betri tíma í vændum
eftir 10. júlí.
BOGMAÐURINN
22. nóv. - 21. des.
Hröð atburðarás júní-
mánaðar heldur áfram til 10. júlí.
Auðvitað getur brugðið til beggja
vona með það sem þú tekur þér
fyrir hendur en flest heppnast vel
og verður skemmtilegt í endur-
minningunni. Það er engin logn-
molla í kringum þig.
STEINGEITIN
22. des. - 19. janúar
Þrautseigja er lykilorðið
um þessar mundir. Veldu þér til
dæmis félagsskap af kostgæfni.
Með réttu kunningjavali gætirðu
náð settu marki á stuttum tíma.
Það er í mörg horn að líta svo að
líklega er þetta ekki heppilegur
tími til ferðalaga.
VATNSBERINN
20. janúar - 18. febrúar
Tilfinningarótið, sem ein-
kenndi júní, jafnast smám saman
niður og þú getur látið hugann
reika. Með þeirri víðsýni sem þú
ert að öðlast geturðu látið hag
þinn vænkast. Næstu dagar
verða með besta móti og því er
um að gera aö njóta þeirra.
FISKARNIR
19. febrúar - 20. mars
Þótt atburðarásin hægi á
sér er andlegt ástand þitt svo gott
að þú tekur varla eftir breytingun-
um. Láttu það ekkert á þig fá þótt
störf þín virðist vanmetin. Róm-
antíkin liggur í loftinu og bætir
ástandið. Hafðu þó hugfast aö
kapp er best með forsjá.
12. TBL. 1991 VIKAN 41