Vikan - 13.06.1991, Side 55

I t
Brosmild hollensk stúlka býður farþega velkomna með túlípana-
vöndum.
hefði löngum verið talinn einn
besti tengiflugvöllur í Evrópu.
Víst er að þaðan er greið leið í
allar áttir enda nýta margir sér
þennan möguleika. Árið 1989
áttu til dæmis um sextán millj-
ónir farþega leið um Schiphol-
flugvöll. Frægar eru einnig
orðnar versianirnar á flugvell-
inum og engin ástæða til aö
láta sér leiðast á meðan beðið
er eftir að leggja í loftið.
Forstjórinn benti ennfremur
á, í tilefni af smávegis regni
sem tók á móti viðstöddum, að
í Hollandi væri rigningin ekki
lóðrétt heldur lárétt. Það þóttu
okkur Frónbúum reyndar ekki
merkileg tíðindi.
FLOGIÐ DAGLEGA
TIL AMSTERDAM?
Sigurður Helgason endur-
gait gjöf forstjórans með
fallegum skúlptúr úr blásnu
gleri frá Bergvík. Hann sagði
félagið hafa ákveðið að gera
Amsterdam að einum af þrem-
ur meginviðkomustöðum Flug-
leiða f Evrópuflugi. Hann
greindi frá því að stefnt væri
að því að koma á daglegu flugi
milli Keflavíkur og Amster-
dam. í sumar verða fimm ferð-
ir í viku á flugleiðinni. Gert er
ráð fyrir að um þrjátíu þúsund
farþegar nýti sér flugleiðina á
þessu fyrsta heila ári starf-
seminnar eftir að flugréttindin
til borgarinnar voru endur-
heimt. Sigurður minnti einnig á
að Flugleiðir ættu yngsta flug-
flotann f Evrópu um þessar
mundir.
Að lokinni móttökuathöfn-
inni á flugvellinum var haldið
inn í borgina. Við Dam-torgið,
eitt af þremur þekktustu torg-
um Amsterdam, stendur
glæsihótelið Grand Hotel
Krasnapolski. Þangað var för-
inni heitið. Morgunverðarsal-
urinn á þessu hóteli er kunnur
fyrir fegurð og hafa atriði í
kvikmyndum verið tekin þar.
Salurinn er yfirbyggður með
hvolfþaki úr gleri. Einnig er
þarna frægur japanskur mat-
sölustaður sem vert er að
heimsækja. Herbergin á hótel-
inu eru stór og vel búin öllum
hugsanlegum þægindum.
FJÖGURRA KÍLÓMETRA
VERSLUNARGATA
Við Damtorgið er annar
endinn á fjögurra kílómetra
langri göngu- og verslunar-
götu, Kalverstraat. Þar er auð-
veldlega hægt að gleyma stað
og stund í fjölmörgum tísku-
verslunum, sem og verslunum
af öðru tagi. Járnbrautarstöðin
er ekki fjarri þessu torgi og
Rauða hverfið ekki heldur.
Þangað kvað vera mikil lífs-
reynsla að koma enda ýmis-
legt boðið falt sem við Islend-
ingar erum ekki vanir að versla
með.
Þekkt eru líka torgin Leidse-
plein og Rembrandtsplein fyrir
fjölda veitinga- og kaffihúsa og
kráa. Sjálfsagt er að benda á
krá sem heitir Hof van Holland
og er vægast sagt óvenjuleg.
Þar eru þjónarnir hinir bestu
söngvarar og syngja hástöfum
í hljóðnema á meðan þeir
veita gestum eða skola úr
glösum. Þeir eiga það líka til
að grípa skeiðar og spila á
flöskurnar í hillunum.
HÆSTA LISTAVERKIÐ
ER EFTIR ÍSLENDING
Kvöldverðurinn í Amster-
dam verður minnisstæður.
Boðið var til hans í fljótandi
veitingahúsi, síkjabáti. Þar
nutu gestir hins þekkta réttar
„rijstaffel" eða hrísgrjónahlað-
borðs að indónesískum sið,
en indónesískur matur er ein-
mitt hornsteinn hollenskrar
matargerðarlistar. Meðan set-
CELAIMDAIR
Forstjórar Schiphol og Flugleiöa við móttökuathöfnina á flugvellin-
um, fyrir framan íslenska farkostinn.
ið var aö snæðingi var siglt um
borgina og kostur gafst að líta
falleg hús. Fyrir augu bar til
dæmis mjósta húsið í borg-
inni, sem er aðeins 1,28 metr-
ar á breidd, fjölmargar brýr,
húsbátar, skútur og að lokum
sýnishorn af frægustu versl-
unarvöru Rauða hverfisins.
Að kvöldverði loknum þótti
tilvalið að heimsækja krá,
bragða á þjóðardrykknum,
séníver, blanda geði við aðra
gesti staðarins og jafnvel að-
stoða barþjónana, eins og ein
af meðfylgjandi myndum ber
með sér.
Þeir sem vildu dansa þurftu
ekki að leita lengi að diskótek-
um eða dansstöðum af öðru
tagi. Þeir eru margir og fjöl-
breyttir.
Að morgni er svo lagt upp i
skoðunarferð um borgina. Þar
er hægt að fylgjast með skurði
og slípun demanta og einnig
kaupa þá, smáa sem stóra, ef
pyngjan leyfir.
Margt er að sjá en skemmti-
legt að segja frá hæsa lista-
verki Amsterdam. Það er eftir
íslenska listamanninn Sigurð
Guðmundsson sem búsettur
er í borginni. Verkið er unnið
úr graníti sem flutt var inn frá
Svíþjóð. Sagan segir að Sig-
urði hafi ekki líkað liturinn á
granítinu og hann hafi ráðið
þrjátíu til fjörutíu menn til að
skvetta úr skinnsokkum sínum
á það þar til það var orðið
fallega gult. Hann ku hafa sagt
að kostnaðurinn við verkið
hefði aðallega verið fólginn í
bjór handa aðstoðarmönnun-
um til að halda þeim við efnið.
Út úr borginni er haldið og
ekið framhjá vindmyllum og
túlípanaekrum í átt að strönd-
inni. Veitingar eru boðnar á
nýbyggðu, gullfallegu hóteli
við ströndina, Elysée Beach
Hotel. Fyrir utan gluggana
breiða sandstrendur úr sér
eins langt og augað eygir. Á
þessu svæði eru frægir sand-
hólar þar sem rigningarvatn
rennur í gegn og safnast í
brunna undir þeim. Þetta vatn
er síðan notað til drykkjar.
Eftir allt of stutta en
skemmtileg^dvöl í Hollandi er
aftur sest um borð f Flugleiða-
vél sem ber okkur heim í okkar
eigin láréttu rigningu.
Finnst kannski fleirum en
mér að þegar komið er heim í
hversdaginn eftir ánægjulega
ferð til útlanda sé það eins og
að vakna af góðum draumi?
12. TBL. 1991 VIKAN 53