Vikan - 13.06.1991, Blaðsíða 68

LINEY LAXDAL ÞYDDI
HVER A DUKKUNA?
Ashley er fimm ára og
Christina vinkona henn-
ar þriggja ára. Báöar
sögðust eiga þessa sérstöku
dúkku. Deilur og slagsmál að
viðbættu dómsmáli þurfti til að
leysa deiluna.
Ég þurfti vit Salómons til að
leysa þetta mál, segir dómar-
inn, John Brown frá Nashville í
Bandaríkjunum. Og hann bæt-
ir því við að „dúkkumálið" hafi
verið einstaklega erfitt mál að
dæma í.
Þetta byrjaði allt þegar
Sheila Long keypti talandi
dúkku til að gefa dóttur sinni í
jólagjöf. Hún sýndi Mörthu
McCandless, nágrannakonu
sinni, dúkkuna. Martha bjó í
næsta húsi með barnabarni
sínu, Christinu. Ég féll gjör-
samlega fyrir þessari dúkku,
segir Martha, og vissi að ég
yrði að gefa Christinu aðra
eins. Það gerði hún líka. Þá
vildi svo til að Ashley týndi
sinni dúkku á leikvellinum og
Christinu var gefið að sök að
hafa stolið dúkkunni sem hún
var með.
Sheila fór í fylgd mágkonu
sinnar til Mörthu og krafðist
dúkkunnar en Martha neitaði
því staðfastlega og sagði sem
satt var að hún hefði keypt
þessa dúkku handa Christinu.
Við þessi orð reiddist mág-
kona Sheilu svo að hún sló
Mörthu bylmingshögg á
vangann. Martha svaraði (
sömu mynt. Síðan kallaði hún
á lögreglu og lét handtaka þær
fyrir líkamsmeiðingar. Það
hindraði ekki að Sheila höfð-
aði mál á hendur henni og
Christinu fyrir dúkkuþjófnað.
Nokkrum dögum síöar stóðu
svo tvær smástelpur í réttarsal
í Nashville og töluðu við John
Brown dómara. Þær höfðu
meðferðis sína kvittunina hvor
fyrir dúkkukaupum. Dómarinn
bað um að fá að sjá sönn-
unargögnin, dúkkuna hennar
Christinu og föt af dúkkunni
hennar Ashley. Þá komst allt
upp. Dúkkufötin hennar Ash-
ley pössuðu ekki á dúkkuna
sem Christina var með. Því
gat Ashley ekki átt hana.
Martha og Christina unnu því
málið með glans.
Þar með var dúkkustríðinu
lokið án mikilla sárinda milli
telpnanna tveggja. Þær leika
sér ennþá saman en ekki er
hægt að segja það sama um
þær fullorðnu. Góðhjörtuð
nágrannakona gaf Ashley
aðra eins dúkku því hún gerði
fastlega ráð fyrir að mamma
hennar hefði ekki efni á því.
Það kostar nefnilega sitt að
höfða mál í Bandaríkjunum og
setja allt dómskerfið af stað út
af einni dúkku sem kostaði
1100 krónur! Já, það er margt
skrýtið sem gerist í Bandaríkj-
unum! . □
► Martha
McCandless
og þriggja ára
gamalt barna-
barn hennar,
Christine
Lynn, unnu
dúkkumálið
með glans.
◄ Þær Sheila
Long og
Ashley dóttir
hennar urðu
að sætta sig
við að dúkkan
væri sannan-
lega ekki
þeirra eign.
66 VIKAN 12.TBL. 1991