Menntamál - 01.11.1947, Side 17

menntamál
143
þeim er ekki vissu það áður, að Akureyrarbarnaskólinn
hefur að minnsta kosti í sumum efnum náð alveg sérstök-
um og óvenjulegum árangri. Skal nú reynt að gera sér
nokkra grein fyrir því, hvers konar ráðum og aðferðum
Snorri hafi beitt til þess að ná þessum árangri, sem bæði
er lofs- og undrunarefni þeirra, er til þekkja. Stjórnar-
aðferðir hans og skipulagsráð þyrftu að vera sem flestum
skólamönnum kunn.
2. Stjórnaraðferðir og skipulagsráð.
Haustið 1930 tók Snorri við Akureyrarskólanum, eins
og fyrr segir. Hann tók við nýju skólahúsi, en fáum og
lélegum tækjum. Skólinn mun þá ekki hafa átt miklum
vinsældum að fagna.
Fyrsta skólaár hans fjölgaði börnunum mjög, því að
þá var skólaskyldan færð frá 10 ára aldri til 8 ára og
seinna til 7. Hann setti þá fáar skólareglur, en ákveðnar
°g gekk fast eftir því, að þær væru haldnar. Hann náði
þegar í upphafi góðu samstarfi við skólanefnd og kenn-
aralið, og hafa kennararnir jafnan fylgt honum vel og
trúlega og verið óeigingjarnir í störfum. —
Eitt af því fyrsta, sem Snorri lét til sín taka, var að fá
skólanefndina til þess að láta hefla upp öll skólaborð og
uiála og færa í nýjan búning nálega öll tæki og áhöld skól-
ans. Borðin voru öll krössuð og tálguð, eins og þá var al-
títt að sjá í skólum, og mun ekki hafa verið laust við, að
skólanefnd hafi fundizt þetta uppátæki skrítið og tilgangs-
lítið, því að sjálfsögðu leit hún svo á, að ekki mundu borðin
lengi bera þennan hátíðabúning, en verða jafn krössuð
°g illa útleikin næsta vor. En svo vel tókst nú til hér, að
ekkert sást á borðunum eftir veturinn. Og nú, eftir 17 ára
stjórn Snorra, mun tæpast unnt að sjá rispu á nokkru
horði, hvorki þeim, er hefluð voru upp, né hinum, sem
síðar hafa bætzt við.