Menntamál - 01.11.1947, Blaðsíða 35

MENNTAMÁL
161
ugur kennslu hans og átt hefur sex börn, sem öll hafa
verið í skóla hjá honum, hefur komizt svo að orði, að
Snorri sé óviðjafnanlegur kennari, sem mótað hafi með
krafti sínum margan nemanda sinn.
Bæði þessi ummæli og öll kynning mín af Snorra benda
á, að hann sé afbragðs kennari. Hann hefur gáfur og
þekking, einurð og viðbragðsflýti til úrræða og andsvara,
glaðlyndi, hlýju og hrifnæmi og allt eðli til þess að gera
kennslustund hrífandi og árangursríka. En hitt þekki ég
að nokkru af eigin reynd, enda fer það varla fram hjá
neinum, sem kynnist honum að nokkru ráði, að hann hefur
skipulagsgáfu og stjórnarhæfileika í ríkum mæli, ódrep-
andi dugnað og brennandi áhuga, sem blásið getur lífi
í hvert málefni, kveikt í hverju dauðyfli og hert og stælt
hálfvolga og deiga. Mun vandfundinn maður á landi hér,
er jafnast á við hann að þessu leyti.
Snorri hefur aldrei sofið á verðinum. Hann hefur verið
sívökull um skólamál, farið fjórum sinnum utan og jafn-
an komið aftur að landi með eitthvað nýtt, sem hann
hefur fært að einhverju leyti í íslenzkan búning og reynzt
hefur hérlendis til bóta. Hann hefur ekki verið gleyp-
gjarn á hverja nýjung en jafnan boðið til vistar með
sér því, er honum sýndist að verða mætti skólastarfinu til
vegsauka og frama, og honum hefur lánazt að leiða það
til sætis án uppsteyts og ýfinga. Skólastarfið hefur orðið
sjálfum honum og öðrum hamingjustarf.
En eins og kunnugt er, hefur Snorri ekki látið sér nægja
að leysa af hendi ágætt skólastarf, heldur komið víðar við
sögu, þótt þess hafi að litlu eða engu verið getið hér. En
það má óhætt fullyrða, að hvort sem honum hefur verið
falin heyverkun eða síldarverkun, forsjá sveitamála eða
kennslumála, þá hefur hann engu sinni svikið það, er
honum var til trúað, heldur þokað hverju verkefni feti
framar en það var á vegi statt, er honum var fengið það
í hendur.