Menntamál - 01.11.1947, Síða 18

144
MENNTAMÁL
Hið næsta, sem Snorri lét gera, var að númera öll borð-
in, er þau höfðu verið skinnuð upp. Og þegar skóli hófst,
fékk hvert barn sitt borð með ákveðnu númeri, er skrifað
var hjá því. Skyldi hvert barn jafnan nota sitt borð í
skólanum og bera ábyrgð á meðferð þess. Varð nú auð-
sætt, hvernig sérhver fór með sitt borð, enda var fylgzt
með því af mikilli gaumgæfni.
Fyrstu 3—4 árin mun aldrei hafa liðið svo dagur, að
Snorri kæmi ekki í nokkrar af kennslustofunum til eftir-
lits og hvatningar, einkum þar sem hætta var mest á
skeytingarleysi eða sleni. Að loknu starfi á laugardögum
kom hann í hverja einustu stofu, skoðaði hvert borð og
skrifaði því næst eitthvað á töfluna og gat þar þeirra
borða, sem vitni báru um, að meðferðinni væri að ein-
hverju leyti ábótavant, en lofaði hins vegar hirðusemi og
umgengni, ef allt var í bezta lagi, og hvatti til áframhald-
andi sóknar á þeirri braut. Var mikil eftirvænting í börn-
unum á mánudagsmorgnum að sjá, hvað á töflunni stæði.
Með þessu stöðuga eftirliti og öðru fleira skapaðist smám
saman og furðu fljótt, svo sterkt og eindregið almennings-
álit í skólanum, að eftir þessi fyrstu ár og enn í dag dettur
varla barni í hug að skemma borðið sitt eða nokkurn ann-
an hlut í skólanum. Það má t. d. telja til viðburðar innan
veggja skólans, að barn brjóti snaga, sem oft vilja þó týna
tölunni í skólum. —
Löngu áður en Snorri gerðist skólastjóri á Akureyri
var honum orðið ljóst, hve geysimikið veltur á því fyrir
starfsárangur, stjórn ogaga í skólum, að gott samkomulag
sé milli þeirra og heimila barnanna. Hann hófst því skjót-
lega handa um það á Akureyri að haldnir væru vel skipu-
lagðir fundir með foreldrurn skólabarnanna og kennurum
skólans. Þessir fundir voru nefndir foreldrafundir, og
hefur Snorri látið svo um mælt við höfund greinar þessar-
ar, að þeir hafi stórbætt fyrir skólanum og mörgu bjargað
frá böli á hernámsárunum.