Menntamál - 01.11.1947, Side 32

MENNTAMÁL
158
2. Hið ytra fyrirkomulag fræðslumálanna í hreppnum
og skynsamlegustu framtíðarúrræðin.
8. Hið innra starf: kennslutækin, móðurmálsnámið.
hinn þjóðlegi og andlegi þáttur í starfinu, agi og
þýðing hans, bókhald skólanna, mælingar barnanna,
sparifjárstarfsemi í skólum, vín og tóbak og loks
nauðsyn á samstarfi heimila og skóla . . .
Þegar öllum þessum fundarhöldum var lokið, ritaði
ég öllum kennurum á svæðinu bréf til áréttingar og leið-
beiningar, minntist á námsefni skólanna, hver tök á því
væru skynsamlegust og á hvað bæri að leggja mesta
áherzlu o. s. frv. Fann ég greinilega í vetur, þá er ég
heimsótti skólana, að fundahöldin og bréfið höfðu gert
gagn.
Þessu næst var að heimsækja skólana, kynnast starfi
þeirra og aðbúnaði. Hóf ég það starf í desember 1941.
Varð niðurstaðan sú, eftir ítarlega athugun, að jafnframt
því að kynnast aðbúnaði skólanna og þeim brag, er
þar ríkti, skyldi einnig grennslast um getu barnanna í
hinum þýðingarmestu atriðum námsins s. s. móðurmáli,
reikningi o. fl., og til þess að byrja ekki á neinu óviðráð-
anlegu, ákvað ég að prófa aðeins 2 elztu árgangana, 12
og 13 ára börnin. Voru svo verkefni sniðin eftir því, að
vísu mjög létt, en þó með hliðsjón af fullnaðarprófi við
lok skólaársins. Jafnframt var verkefnum hagað þann-
ig, að ögn mætti grilla í sambandið milli greindar barns-
ins og þeirrar kunnáttu, er skólinn hafði veitt, og á
því marka nokkuð starf hans.
Hafði ég á þessu fast form þegar frá byrjun, þannig:
Fyrst lét ég börnin lesa nokkrar mínútur, spurði nokk-
uð um mál og grennslaðist eftir skilningi á efni. Þá var
skrifaður stuttur stíll og reiknuð nokkur létt dæmi. Þessu
næst grennslaðist ég eftir, hvað þau kynnu af ljóðum,
þekktu af skáldum og rithöfundum, hvað þau kynnu að
syngja, hvað þau kynnu af málsháttum, spakmælum,