Menntamál - 01.11.1947, Síða 44

170
MENNTAMÁL
FRIÐRIK HJARTAR:
Stafsetning og stílagerð.
Ríkisútgáfa námsbóka mun í haust (eða f. hl. vetrar)
gefa út fyrir barnaskóla námsbók, er ég hef tekið saman
og nefni: Stafsetning og stílagerð.
Má skoða það, er hér verður ritað um væntanlega bók,
sem eins konar —formálsorð, sem birt eru hér í samráði
við útgáfustjórnina.
Ég hef gert tilraun til að skipuleggja stafsetningar-
kennsluna, þ. e. ákveða, hvað kenna skuli hverjum aldurs-
flokki. Kalla ég þetta: Námsskrá í stafsetningu ogstílagerð.
Er efnisniðurröðun bókarinnar í samræmi við náms-
skrána, að svo miklu leyti sem fært er.
Ég tel sjálfsagt að láta 7—8 ára börn læra utan bókar
t. d. 3—4 algeng og auðveld orð á dag, og orð, er þau nota
oft, þótt erfitt sé að stafsetja sum þeirra rétt.
Aðalatriðið er, að fara hægt og festa rétta sjónmynd
hvers orðs nógu rækilega. Sé það gert, er alveg óhugs-
andi, að 12—13 ára börn skrifi þaug og þettað — o. fl.
svipaðar ritleysur. —
Orð I. kafla eru aðeins sýnishorn — (og svo er um flest
eða allt í bókinni). Kennararnir bæta við eftir geðþótta og
þörfum, (a. m. k. í 8 ára bekkjum). Þar sem tekin eru
5—10 orð (eða fleiri) í senn og börnin látin skrifa.
í 9 ára bekkjum (sbr. II. kafla) eru orðin notuð á ýmsa
vegu, skrifuð, ýmist heima eða á veggtöfluna. Þá má
láta börnin búa til stuttar setningar og málsgreinar, þar
sem þau nota orð, er kennarinn ákveður, eitt eða fleiri í
hverja málsgrein — og ýmis önnur (orð) að auki. Má
nota bæði orð úr I. og II. kafla að vild á þennan hátt.