Menntamál - 01.11.1947, Síða 42

168
MENNTAMÁL
félagsins væri meira komin undir því hvað félagið starf-
aði, en því, hvernig það væri stofnsett. Því var það, að
það tók sér fyrir hendur fimm stórfengleg verkefni, og
tók ein þjóð að sér forustu hvers um sig.
1. Aðþjóða tungumál (Sviss).
2. Kennara- og nemendaskipti milli landa (Skotland).
8. Félagsfræðileg málefni nútímans (Bandaríkin).
4. Útbreiðsla lestrarkunnáttu (Kína).
5. Kennsla í heilbrigðisháttum (England).
Hverjum meðlimi félagsins er boðið að velja eitt eða
fleiri af þessum viðfangsefnum og leggja þar til málanna,
og senda þeirri þjóð, sem um það fjallar fyrir 1. febrúar
n. k.
Allar tillögur eiga svo að vera komnar til framkvæmdar-
stjórans fyrir 1. maí. Síðan á hann að vinna úr þessu og
hafa útbýtt öllu til allra félaga fyrir 1. júlí n. k.
Sunnudaginn 10. ágúst fóru menn til kirkju að morgn-
inum. Sunnudagshelgin er vel rækt í Skotlandi. Síðdegis
voru fulltrúar boðnir á heimili ýmissa í borginni. Ég var
gestur herforingja, Graham að nafni. Gekk hann í þjóð-
búningi Skota. Heimili hans var í útjaðri borgarinnar.
Þar átti hann einbýlishús með garði í kring. Það var búið
hvers konar þægindum, og áttu margir gripir sér þar langa
sögu. Mr. Graham er mjög norrænn í anda, vissi mikið um
ísland. Var það skemmtun okkar að bera saman ýms orð
í háskozku og íslenzku, og var skyldleikinn oft mikill,
og oft stórum meiri en milli enskra og íslenzkra orða.
Mánudag 11. ágúst störfuðu tvær nefndir, önnur fjallaði
um fjármál félagsins en hin um val starfsmanna. Voru
störf þeirra rædd á sameiginlegum fundi þriðjudag 12.
ágúst.
Þótti nú flestum dr. William Carr sjálfsagður í forsæti
félagsins vegna mikils áhuga og vel heppnaðra starfa allt
frá upphafi. Mr. Snow og fleiri stungu upp á því að for-
sæti ætti að skipa maður, sem þekktur væri víðar en í