Menntamál - 01.11.1947, Síða 34

160
MENNTAMÁL
arinn finni, að þessi sendimaður kemur sem vinur og leið-
beinandi hjálp, en ekki sem fruntaleg refsinorn............“
Þó að taka mætti miklu fleira úr þessari skýrslu, skal
þó hér staðar numið.
Nú eru 5 ár síðan framannefnd skýrsla var gerð. En
kennslueftirlitið hefur á þeim árum að miklu eða mestu
leyti runnið eftir þeim farvegum, sem frá er greint í
henni, og ekki er ósennilegt, að svo verði langa stund
enn. Fyrir því virðist augljóst, að Snorri hafi á fyrsta
ári eftirlitsins hitt naglann á höfuðið, ratað rétta leið að
marki. Það mun því öfgalaust að segja, að hann hafi að
verulegu leyti lagt grunninn að starfsaðferðum kennslu-
eftirlitsins.
Kennslueftirlitið hefur þegar afrekað miklu í sveitum
landsins. Bréfaskriftir námstjóranna til skólanefnda og
kennara eftir heimsóknina í skólana eiga ekki minnstan
þátt í því. Þær voru nauðsynlegar til aðhalds og íhug-
unar skólanefndum og hafa styrkt trú þeirra á gagnsemi
og fastatök eftirlitsins. En þótt engar stökkbreytingar
hafi að vísu gerzt, er ýkjulaust, að skilningi á ýmsum
nauðsynjum skólamála hefur fleygt fram þessi ár og
öll aðstaða kennara og skólabarna orðið miklu betri.
Má og ætla að þetta sé viðurkennt af öllum er til þekkja.
T. d. kom þetta fram í fréttabréfi úr Skagafirði, er lesið
var í útvarpið í marz 1946, er sagt var þar berum orðum
að öll aðstaða við barnafræðsluna og fræðslan sjálf hefði
stórbatnað þar, síðan námstjóri hóf starf sitt.
Námstjórn Snorra varð mjög vinsæl, eins og önnur
skólastörf hans. Má t. d. geta þess, að á vormóti kennara
á Akureyri 1942 og á námskeiði þá um haustið, er 60
kennarar tóku þátt í, var einróma skorað á hann að vera
áfram við eftirlitið. —
*
Ég hef aldrei verið viðstaddur þar, sem Snorri Sig-
fússon hefur kennt krökkum. En maður, sem vel er kunn-