Menntamál - 01.06.1950, Blaðsíða 75

MENNTAMÁL
137
skyggnast eftir, hvernig bleknámið gengur á leturflötinn.
Sé frumrit mjög lengi á leturfleti, getur svo farið, að blekið
breiðist þar of mikið út um hann, og verður þá prentun
lakari.
Þegar frumrit er tekið af leturfleti, skal að jafnaði bíða
ofurlítið þar til prentun hefst. Blekið þarf sinn tíma til að
festa sig hæfilega inn í leturflötinn, þ. e. 1—2 mínútur.
Prófa skyldi þó enn styttri og enn lengri bið. Verði biðin
of löng, breiðist blekið of mikið út um leturflötinn (eins
og þegar frumritið liggur of lengi á), og fást þá færri ein-
tök, en erfitt er að þvo blekið af að lokinni prentun.
Prentun þarf að ganga fljótt. Hvert blað á að taka aðeins
hæfilegan skammt af bleki, ella eyðist blekið um of og læs-
ir sig einnig inn í leturflötinn, situr þar fast og dreifist um,
svo að blöðin geta ekki numið það. Sérstaklega þarf að
gæta þess meðan fyrstu tugirnir eru teknir, að hvert ein-
tak sé sem stytzt á leturfletinum og eintökin taki hratt
við hvert af öðru. Leturflöturinn sé sem allra fæst augna-
blik auður, eftir að prentun er hafin.
Leturflötinn á að þvo tafarlaust eftir notkun með klút
eða svampi. Nota skal vel volgt vatn, helzt nokkuð heitt,
strjúka laust og hægt yfir leturflötinn yfirleitt, þar til
letrið er horfið. Þvo síðan klútinn vel og vinda hann,
þurrka yfir leturflötinn sem bezt, en láta kassann standa
svo lengi opinn, að leturflötur sé orðinn vel þurr. Sitji vatn
lengi á leturfleti, skemmist hann. Sé leturflötur eftir þvott-
inn þerraður með þurrum klút, má leggja á hann nýtt
frumrit. Yfirleitt er allt af rétt, áður en á að nota letur-
flöt, að strjúka hann með volgum, votum klút og þurrka
hann síðan vel.
Fjölritinn ætti að vera á hlýjum stað áður en hann er
notaður, og í vel hlýju herbergi gengur prentun mun bet-
ur en í svölu.
Sérhver byrjandi skyldi gera ýmsar tilraunir með lítil
handrit (2—3 línur), til þess að safna reynslu um ýms