Menntamál - 01.04.1956, Side 43

MENNTAMÁL
37
námsefni og prófkröfum og eru ýmiss konar prófverkefni
notuð í því sambandi.
Það er mikilvægt fyrir þróun uppeldis- og skóla-
mála hverrar þjóðar að geta stuðzt við f jölþættar og mark-
vissar rannsóknir á sviði uppeldisvísinda. I stöðugt ríkara
mæli eru vísindin tekin í þjónustu skólastarfsins. Með
þeirra aðstoð er leitazt við að gera skólunum kleift að
hjálpa sem flestum nemendum til þess að öðlast þá mennt-
un og fræðslu, sem hver og einn er hæfastur til.
Magnús Gíslason.
Félag gagnfræðaskólakennara í Reykjavík var stofnað 8. maí 1955.
Á stofnfundinum var kjörin stjórn og samþykkt lög fyrir félagið.
Tilgangur félagsins er:
a) að efla kynningu og samstarf kennara gagnfræðastigsins,
b) að stuðla að því, að kennarar eigi kost á að kynna sér allt það,
sem varðar starf þeirra,
c) að vinna að hagsmunamálum stéttarinnar.
Svo er til ætlazt, að hið nýja félag verði deild í L. S. F. K. í stað
kennarafélaga í einstökum skólum. Enn liefur þó ekki verið gengið
til fulls frá nauðsynlegum formsatriðum til þess, að svo megi verða.
Stjórn félagsins skipa nú:
Friðbjörn Benónýsson, formaður, Bryndís Steinþórsdóttir, Kristinn
Gíslason, Ólafur S. Ólafsson og Ragnar Georgsson.