Menntamál - 01.04.1956, Page 58

52
MENNTAMÁL
Frásögnin, ásamt umgetnum skriftum nem. um nokkur
megintariði, spurningum, svörum og gagnrýni nemenda
og kennara, getur tekið nokkra daga eftir atvikum. —
Einn nemandi úr hópnum stýrir umræðum hverju sinni,
— er fundarstjóri.
Stuttu eftir að frásögninni er lokið, hefst fimmti og síð-
asti þátturinn, prófiS. Er það, eins og nefnt var fyrr, eink-
um samið upp úr þeim atriðum, sem nemendur rituðu upp,
meðan á frásagnarþættinum stóð, — og er oftast allum-
fangsmikið. Glanzelius vildi hafa það töluvert þungt, og
voru spurningar ósjaldan eitt hundrað. En svör voru
yfirleitt stutt. — Þótt ýmsum kunni að þykja ótrúlegt, leið-
ir reynslan í ljós, að langflestir nemendur hafa tileinkað
sér mikla kunnáttu á öllu starfssviðinu, þótt þeir hafi
aðallega beitt sér að einu verkefni innan þess. Með laus-
legum lestri, en þó fyrst og fremst af frásögn félaganna,
spurningum og rökræðum, hafa þeir tileinkað sér allt það
helzta.
Að nokkrum tíma liðnum er svo sama prófið jafnan
endurtekið. Koma þá oftast í ljós miklar framfarir hjá
flestum.
Þegar þessu er svo öllu lokið, getur verið mjög fróð-
legt og skemmtilegt að láta nemendur skrifa ritgerð um
það, hvernig þeir unnu um starfssvið Afríku, eða hvað
það nú var, og hvernig þeim fellur að vinna á þennan
hátt. Er þetta oft gert, og kemur þá jafnan margt fram,
sem getur haft mikið gildi fyrir kennarann. Mun ég
skýra nánar frá því í næstu grein.