Menntamál - 01.08.1966, Qupperneq 32

118
MENNTAMÁL
Plan II, ha£a lesið námsefni, sem er svipað íslenzku náms-
efni, en öllu ýtarlegra. Þeir hafa auk þess lært lífræna og
ólífræna efnafræði, sem svarar námsefni 3. bekkjar í ís-
lenzkum menntaskóla. Til þess að ná Plan II í eðlisfræði
og efnafræði í Noregi, þyrfti íslenzkur gagnfræðingur að
sækja 31/2 vikustund í 10 mánuði og Ijúka auk þess a. m. k.
15 verklegum æfingum í eðlisfræði og 15 æfingum í efna-
fræði.
III. ÁLYKTUN AF NIÐURSTÖÐUM.
Mikið skortir á, að nám íslenzkra unglinga í stærðfræði,
eðlisfræði og efnafræði á unglinga- og gagnfræðastigi sé
jafngilt námi á sambærilegu aldursstigi í Danmörku og
Noregi.
í stærðfræði virðist þekking 16 ára íslenzkra unglinga
sambærileg við þekkingu 14 ára unglinga í Danmörku og
Noregi.
í eðlisfræði virðast 16 ára íslenzkir unglingar hafa lesið
svipað námsefni og 15 ára danskir og 14 ára norskir ungl-
ingar. íslenzkir unglingar hafa allt til þessa farið nær alveg
á mis við sýnikennslu og verklegar æfingar, en á þær er
lögð mikil áherzla í skólum hinna landanna.
í efnafræði læra íslenzkir unglingar nær ekkert. Þekking
þeirra í efnafræði er sambærileg við þekkingu á barnaprófi
í Danmörku og Noregi.
Norskur unglingur, sem lokið hefur erfiðasta námsefni í
þessum greinum 15 ára að aldri, hefur í stærðfræði hlotið
menntun, sem samsvarar 3. bekk íslenzks menntaskóla (16
ára). í eðlis- og efnafræði er þekking hans helzt sambæri-
leg við 4. bekk stærðfræðideildar íslenzks menntaskóla (17
ára).
Danskur unglingur, sem lokið hefur gagnfræðaprófi raun-
greina (TR) 16 ára að aldri, ræður yfir þekkingu í stærð-
fræði, eðlisfræði og ólífrænni efnafræði, sem er sambærileg
við {Dekkingu nemanda, sem lokið hefur 4. bekk stærðfræði-