Menntamál - 01.08.1966, Qupperneq 77

MENNTAMÁL
163
sem fyrr, að tilhögun væntanlegra námskeiða sé við það
miðuð, að starfandi kennurum hvarvetna á landinu sé gert
kleift að sækja þau án verulegra tafa frá kennslustarfinu.
III. Útvarps- og sjónvarpsþœttir um skólamál.
19. fulltrúaþing S.Í.B. felur sambandsstjórn að beita sér
fyrir því, að föstum þáttum um skólamál verði komið á í
ríkisútvarpinu. Þá beinir þingið því til sambandsstjórnar,
að hún beiti sér fyrir því, að hlutur kennslu- og skólamála
verði ekki fyrir borð borinn í hinu væntanlega sjónvarpi,
og hún vinni að því með nægjanlegum fyrirvara, að komið
verði á kennslu- og skólasjónvarpi, svo sem tíðkast í ná-
grannalöndunum.
IV. Kennsluáœtlun kennara.
19. fulltrúaþing S.Í.B. beinir þeim tilmælum til skóla-
stjóra, að þegar í upphafi skólaárs veiti þeir kennurum
sérstakan tíma til þess að gera áætlun um kennslu sína yfir
skólaárið, þ. e. um námsefni og fyrirkomulag kennslunnar.
Kennarar skili viðkomandi skólastjóra áætlunum sínum í
byrjun skólaárs.
V. Tillögur um endurskoðun skólamála o. fl.
19. fulltrúaþing S.Í.B. haldið í Melaskólanum í Reykja-
vík dagana 3.-5. júní 1966 samþykkir eftirfarandi ályktanir
og tillögur um endurskoðun skólamála, sem það beinir til
menntamálaráðherra:
1.
Þingið telur óhjákvæmilegt, að kennslufræðilegt tilrauna-
starf verði hafið í skólunum, eftir því sem ástæður leyfa,
°g beinir þeirri áskorun til menntamálaráðuneytisins og
forstöðumanna skólarannsóknanna að beita sér fyrir því, að
undirbúningur slíks starfs verði hafinn á þessu skólaári í