Menntamál - 01.08.1966, Blaðsíða 78
164
MENNTAMÁL
samráði við þau fræðsluhéruð og aðra aðila, sem þess óska
og lagt geta fram starfskrafta og starfsaðstöðu.
Til rökstuðnings þessari ályktun vill þingið taka eftir-
farandi fram:
a) Skólinn rækir ekki sem skyldi það hlutverk, sem sí-
breytilegar þjóðfélagsaðstæður krefjast.
b) Endurskoða þarf nám á öllurn skólastigum með hlið-
sjón af meiri sveigjanleika í skólastarfinu, aukinni fjöl-
breytni og rýmra vali.
c) Hraða þarf endurskoðun fræðslulaganna varðandi öll
skólastig. Tilraunastarf, eftirlit með því og fræðileg
úrvinnsla eru samt grundvöllur slíkrar endurskoðunar,
og þess vegna leggur þingið ríka áherzlu á það, að slíkt
starf verði strax hafið.
2.
Þingið telur að endurskipuleggja þurfi yfirstjórn fræðslu-
málanna með það fyrir augum að efla menntamálaráðu-
neytið, og verði hinar ýmsu stofnanir fræðslumálanna, eins
og t. d. fræðslumálaskrifstofan og fjármálaeftirlit skóla,
deildir innan þess.
Þá telur þingið mjög brýna nauðsyn bera til, að komið
sé upp fastri skólarannsóknadeild innan menntamálaráðu-
neytisins, sem haldi stöðugt uppi tilraunastarfsemi í skól-
unum og rannsókn á tengslum þeirra við atvinnu- og þjóð-
líf. Með því verði tryggt, að skólinn staðni ekki í úreltu
formi og aðferðum.
Þá telur þingið, að innan menntamálaráðuneytisins þurfi
einnig að koma upp deild, er hafi með höndum sálfræði-
legt leiðbeiningarstarf fyrir skólana og skipulagningu á að-
stoð við afbrigðilega nemendur.
Með vaxandi mikilvægi menntamálanna telur þingið
æskilegt, að menntamálaráðherra gegni eigi öðrum viða-
miklum og tímafrekum ráðherraembættum. Þá telur þingið
ennfremur æskilegt, að ráðuneytisstjóri í menntamálaráðu-