Menntamál - 01.08.1966, Page 108
194
MENNTAMAL
mælt með, að framhaldsskólakennarar fengju. Sambands-
stjórn ritaði menntamála- dg fjármálaráðuneytinu strax
eftir þingið og fór fram á, að barnakennarar, sem voru í
15. launafl. og voru skipaðir eða settir fyrir 1. júní 1952,
skuli frá 1. júlí 1963 taka laun samkv. 17. launafl. og þeir
barnakennarar, sem voru í 16. launafl., skuli taka laun sam-
kv. 18. fl. Ennfremur var farið fram á, að efnt yrði til nám-
skeiða fyrir þá kennara, sem framangreind ákvæði tóku
ekki til, er gerði þeim kleift að flytjast í hærri launafl.
Sambandsstjórn sat nokkra fundi með menntamálaráðherra
um mál þetta. Var flokkahækkuninni neitað daginn fyrir
gamlársdag 1964. Hins vegar virtíst vera vilji fyrir hendi
hjá ráðherra, að efnt yrði til námskeiða fyrir barnakennara,
ef framhaldsskólakennarar fengju námskeið, sem gerði þeim
kleift að hækka um launaflokka. Þegar á reyndi, náðist ekki
samkomulag um námskeiðið milli menntamálaráðherra og
L.S.F.K. Hefur mál þetta því legið niðri um hríð af hálfu
stjórnar S.Í.B.
b) Kennsluafsláttur kennara, sem kenna afbrigðilegum
börnum. í Kjaradómi frá 3. júlí 1963 var kennsluskvlda
kennara, sem kenna afbrigðilegum börnum, ákveðinn i/b
af kennsluskyldu almennra kennara. Þegar sambandsstjórn
óskaði eftir framkvæmd þessa ákvæðis, töldu fræðsluyfir-
völd öll tormerki á framkvæmdinni nema í vanvitaskólan-
um. Heyrnleysingjakennarar fengu t. d. ekki þenna afslátt.
Þó var viðurkenndur þessi kennsluafsláttur, er stunda-
kennslukaup kennara afbrigðilegra barna var ákveðið.
Fræðsluyfirvöld töldu óljóst, hvaða kennarar kenndu af-
brigðilegum börnum í hinum almennu barnaskólum, þar
sem skilgreiningar skorti í lögum og reglugerðum. Sam-
bandsstjórn fór fram á, að settar yrðu reglur um fram-
kvæmdina, en varð ekkert ágengt. Loks fór svo, að kennari
í Reykjavík, sem kenndi afbrigðilegum börnum, undirbjó
mál og var það lagt fyrir Kjaranefnd. Aðstoðaði sambands-
stjórn hann eftir föngum. — Úrskurður Kjaranefndar var