Æskan - 01.10.1970, Síða 23

Hinn 14. júlí s.l. flaug hópurinn norður til Akureyrar,
ásamt Baldvin Þ. Kristjánssyni, félagsmálafulltrúa frá Sam-
vinnutryggingum, og Finnboga Júlíussyni, útbreiðslustjóra
hjá barnablaðinu ÆSKUNNI. Skoðaðir voru helztu staðir á
Akureyri, Matthíasarkirkja, Nonnahús, Friðbjarnarhús, Sig-
urhæðir, Davíðshús, Lystigarðurinn o. fl., ásamt starfsemi
fataverksmiðja SÍS, sem áður voru nefndar. Börnin tóku á
móti sínum fataverðlaunum, en aðrir verðlaunahafar höfðu
tekið sin verðlaun í Reykjavík. Gist var á Hótel KEA og
haldið til Reykjavíkur daginn eftir, — landleiðina — með
viðkomu f Bifröst í Borgarfirði og í íþróttaskólanum að
Leirá.
Nú þegar þessari umferðargetraun er lokið, þakkar blað-
ið öllum þeim, sem þátt tóku í samkeppninni, Landssam-
bandi klúbbanna ÖRUGGUR AKSTUR og öðrum, sem á
einn eða annan hátt greiddu fyrir, að getraunin gæti farið
fram.
Munið! Við erum öll, alla daga, í verðlaunasamkeppni
um umferðarmál, og verðlaunin eru: Heilir limir — heil
farartæki, þ. e. meiri lífshamingja. — Er hægt að óska sér
betri verðlauna?
Blaðið vekur athygli á hinum vandaða íslenzka iðnaði í
sambandi við alklæðnað hinna þriggja verðlaunahafa, en
þar fer saman smekkur og notagildi. Víst er, að færri slys
yrðu, ef allir ferðalangar veldu íslenzkan fafnað, sem hæfir
islenzkum aðstæðum.
Veljið íslenzkt! — Eflið íslenzkan iðnað! — Munið kjör
orðið: Gott er heilum vagni heim að aka!
Kolbrún Bergsdóttir hlaut reiðhjól í verðlaun.
Ingibjörg Þorbergs, Öystein Grue, Áshild Ekre og
Stein Lage Strand.
Verðlaunahafar
I ágúst s.l. heimsóttu ritstjórn blaðsins tvö norsk
börn, sem voru á ferð hér á landi í 5 sólarhringa, en
bæði höfðu þau unnið [ verðlaunakeppni norska ríkis-
útvarpsins, og máttu þau velja milli 7 landa, sem þau
langaði til að heimsækja, og völdu þau ísland. í vylgd
með þeim var Stein Lage Strand, umsjónarmaður þarna-
tímans í norska útvarpinu, og Ingibjörg Þorbergs, sem
sá um móttöku þeirra hér á landi fyrir íslenzka ríkis-
útvarpið.
Börnin eru bæði ellefu ára að aldri. Stúlkan heitir
Áshild Ekre frá Osló, en drengurinn Öystein Grue frá
Válor í Solör.
Spurningakeppnin, sem þau unnu, fjallaði um nátt-
úrufræði, og efndi norska ríkisútvarpið til hennar.
Keppnin stóð yfir í 14 vikur, og voru lagðar 4 spurn-
ingar fyrir þátttakendur í hverri viku, og þessi tvö börn
kunnu alltaf rétt svör við öllum spurningunum og
urðu svo að lokum að skila ritgerð um náttúrufræðilegt
efni. Áshild kvaðst vera mjög ánægð með þessa ís-
landsferð, þau hefðu fengið að sjá svo margt, Gullfoss,
Geysi og svo nýju gosstöðvarnar við Heklu. Öystein
sagði: „Mér hefur líkað sérlega vel að koma til íslands,
og ég var ekki í neinum vafa um, hvaða land ég valdi
mér, og þó gátum við valið milli allra Norðurlandanna,
og Englands og Þýzkalands að auki. Ég held við sjáum
hvorugt eftir þvi vali.“
495