Æskan - 01.10.1970, Side 45

Handknattleikur 4.
Góður varnarleikur er það þýðingarmesta í hand-
knattleik, og kom það greinilega fram í síðustu heims-
meistarakeppni í Frakklandi. Það var fyrst og fremst
frábær vörn, sem færði Rúmenum titilinn.
Varnarleikaðferðir eru margar og margvíslegar,
eins og t. d. þessar algengustu:
5:1, 6:0, 4:2 og 3:3 (sjá teikn.).
a) Fyrsta aðferðin er sú algengasta, sérstaklega hér
á Norðurlöndum. Frá þessari aðferð má breyta
yfir í allar hinar með snöggum skiptingum eftir
því, hvernig andstæðingurinn leikur. Fimm leik-
menn eru upp við markteig en einn framar fyrir
miðju til að taka beztu skotmennina niður og einn-
ig að trufla spilið.
b) Önnur aðferðin er ein sú bezta, og eru flest austur-
löndin með hana. Hún útheimtir mikið úthald leik-
manna og góða samvinnu. Það leika allir upp við
markteiginn og allir tilbúnir að stíga fram á móti
andstæðingnum, og þegar hættan er liðin hjá,
VarnarleikaOferðir
10 0 m (
y o - JO 0 / - ( o ol
þá stíga þeir aftur á bak á sinn stað. Þessa aðferð
er ekki hægt að nota nema markmaður sé mjög
góður.
c) Þriðja aðferðin er einnig mjög góð, sérstaklega
ef andstæðingarnir hafa marga góða skotmenn,
þá stöðva þeir tveir, sem framar eru, skotmenn-
ina, en hinir fjórir leggja áherzlu á línumennina.
Þetta gera lið, sem ekki státa af góðum mark-
mönnum.
d) Fjórða aðferðin er mjög svipuð þeirri þriðju, nema
að nú er algjörlega tvöföld vörn og erfitt fyrir
skotmenn andstæðinga að athafna sig, en línu-
menn eiga meiri möguleika á fríspili.
Geir Hallsteinsson.

517