Almanak Ólafs S. Thorgeirssonar - 01.01.1947, Blaðsíða 30

32
ÓLAFUR S. THORGEIRSSON:
komnir í Arborgarsöfnuðinn 0 1904. Messur fóru fram í
Félagshúsinu á þeim árum, framkvæmdar af sr. Rúnólfi
Marteinssyni, þáverandi presti að Gimli, þar til sr. Jóhann
Bjarnason varð prestur í Norður Nýja-Islandi 1908. Þá er
kirkja kom í Árborg 1911, lögðust messur niður í Félags-
húsinu. Einnig fór fram sunnudagaskólakennsla á fyrstu
árum í því húsi,—í sameiningu frá Ardal og Framnes.
Fyrstu aðalkennarar voru: Hólmfríður kona Tryggva
Ingjaldssonar, mesta skýrleikskona, nú mjög við aldur,
og Guðmundur bóndi Magnússon. En frá Árdalsbyggð:
Eiríkur bóndi Jóhannsson, o.fl., þetta fólk var mjög hæft
fyrir það starf. En nokkrum árum síðar fór sunnudaga-
skólakennsla fram í Framnesskóla eptir að hann var
byggður, þá aðeins fyrir börn byggðarinnar.
Söngstjóri á þeim árum við messur í Félagshúsinu og
sunnudagaskólum var Þorsteinn Hallgrímsson, (einn af
þeim er flutti frá N. Dakota til Framnesbyggðar). Lét
hann sig þar aldrei vanta. Hann var mjög sönghneigður
að eðlisfari, sömuleiðis æfði hann söng fyrir samkomur
líka. Flutti úr byggðinni með fjölskyldu sína 1919 til Ar-
gyle, Man., andaðist þar 12. júlí 1936.
Sögunarmylla kom hér í byggðina vorið 1904. Hana
starfrækti enskur maður af nafni John Bedford Thomp-
son. Var það stór hjálp fyrir bændur, að geta látið saga
við sinn, svo húsakynni gætu orðið þolanleg, enda urðu
fljótt viðunanlegar bvggingar. Fleiri sögunarmyllur hafa
komið hér síðan af og til, enda eru byggingar yfirleitt
orðnar í góðu ásigkomulagi, bæði íveruhús og gripahús,
víða komin skýli fyrir verkfæri.
Framnesskóli var byggður 1905, á landi Þorsteins Hall-
grímssonar (sem áður er nefndur) var byggður á fljóts-
bakkanum. Fyrsti kennari við skólann var: Kristveig
Metúsalemsdóttir Jónssonar og konu hans, Ástu Ingi-
bjargar Einarsdóttur. Kristveig er nú kona V. Jóhannes-
° Árdalssöfnuður var myndaður 1902.