Almanak Ólafs S. Thorgeirssonar - 01.01.1947, Page 49

ALMANAK
51
en það var eins og þeiin væri það leikur. Bú þeirra og
eignir voru á stöðugu framfaraskeiði, þrátt fyrir vaxandi
fjölskyldu því nær árlega. Á fyrstu 25 búskaparárum sín-
um eignuðust þau 16 börn, sem öll eru enn á lífi og öll
hafa alist upp heima, þar til þau voru vinnufær.
Jón og Soffía Líndal og börn þeirra. Myndin tekin í gullbrúð-
kaupsveizlu þeirra að Lundar sunnudaginn 14. júlí, 1946.
Á sama tímabili komu þau upp allstóru gripabúi, mynd-
arlegum húsakynnum og unnu meira land til ræktunar en
flestir sveitungar þeirra. Og þó höfðu þau tíma til að
sinna ýmsum störfum fyrir sveitarfélagið og nágranna
sína.
Soffía hefir verið í því, sem öðru, stórtæk og ósjer-
hlífin. Hún hefir verið forseti Kvenfélagsins lúterska á
Lundar í mörg ár. Einnig hefir hún verið í kvenfélagi því,
er “Womens Institute” nefnist og haft þar ýms störf á