Almanak Ólafs S. Thorgeirssonar - 01.01.1947, Side 46

48
ÓLAFUR S. THORGEIRSSON:
forstöðu þeirra. Þegar hann varð fyrir vali til oddvita,
sótti þýskur maður á móti honum, sem hafði verið fyrir-
rennari hans, en varð undir í þeim viðskiftum. Var Gísli
búinn að ávinna sér svo traust manna og álit, að annara
þjóða menn, að meðtöldum þýskum kjósendum, tóku hann
fram yfir keppinaut sinn.
Gísli hefir rólega geðsmuni og lætur sér í engu óðs-
lega, stiltur og yfirlætislaus í dagfari; brýtur hvert mál
til mergjar og skoðar það frá rótum fremur en alment
gerist, og skapar sér rökvissa sannfæringu, sem ekki verð-
ur raskað í hendingskasti; fari menn fram á eitthvað það,
sem ekki er í samræmi við heilbrigða skynsemi eða röks-
emd, verða menn þess varir, að fast er fyrir; lætur Gísli
ekki sannfæringu sína fala gegn hóli eða hótunum.
Bókasafn á Gísli ágætt og vandað að efni og innihaldi,
og er vandlátur að lesmáli; hefir hann djúptæka þekk-
ingu og víðsýni í fjöldamörgum málum; er nautn og
ávinningur að eiga við hann samræður; munu fæstir fara
af fundi hans svo, að þeir fari ekki betri menn en þeir
komu.
Mjög er Gísli hjálpsamur í garð allra þeirra, sem hafa
vandamál með höndum; er áfangi allflestra á fund hans;
er hann ráðhollur og greiður til að leysa vandræði manna
og vill engin laun þiggja fyrir þann greiða. Hann er og
vandvirkur á útfærslu á skjölum og skírteinum öllum,
svo menn, sem færir eru í þeim sökum, ljúka á það lofs-
orði.
Stéttir mannfélagsins eru stoðir og rammbönd, sem
halda því í skorðum; er heill þess og velferð undir því
komin, að þær séu vel skipaðar og vandsamlega sé valið.
Mun það skoðun margra, að oddvitastöðu Church-
bridgesveitar sé vel borgið, meðan Gísli hefir hana með
höndum.
Vel er Gísli máli farinn á ensku og íslenzku; er ræða
hans með afbrigðum skipuleg að framsetningu, eðlileg
og rökviss; kemur í ljós víðtæk þekking á ensku og ísl-
enzku sögumáli.