Almanak Ólafs S. Thorgeirssonar - 01.01.1947, Blaðsíða 81

ALMANAK
83
eftir að hafa gengt því starfi, við ágætan orðstír, um
margra ára skeið.
Okt.—Hóf Major Norton J. Anderson (sonur Mr. og
Mrs. Th. Anderson, er lengi voru búsett í Selkirk, Man.)
útgáfu blaðsins “Peace Tower” í Ottawa, og er jafnframt
ritstjóri þess.
5. nóv.—Við almennar kosningar í Bandaríkjunum voru
þessir Islendingar kosnir í Norður-Dakota: Níels G. John-
son, dómsmálaráðherra, J. M. Snowfield, ríkislögsóknari
í Cavalier-héraði, Fred M. Snowfield, ríkislögsóknari í
Pembina-héraði og Oscar B. Benson, ríkislögsóknari í
Bottineau-héraði, allir endurkosnii'; ennfremur F. M.
Einarsson, ríkisþingmaður, og John B. Snydal ,sveitarfull-
trúi, báðir í Pembina-héraði. — Samdægurs var Leo C.
Goodman (sonur Guðmundar og Sigríðar Goodman) kos-
inn ríkisþingmaður í Bellingham, Wash., og Sigurður
Hjaltalín kosinn bæjarráðsfulltrúi í Bellingham-borgar.
9. nóv.—Samþykkt með einróma atkvæðagreiðslu
beiðni Islands um upptöku í Bandalag hinna sameinuðu
þjóða (United Nations). Hinn 19. nóv. undirritaði dr.
Thor Thors, sendiherra IslÆnds í Washington, inngöngu-
samninginn fyrir Islands hönd; er hann jafnframt for-
maður hinnar íslenzku fulltrúanefndar á þingi sameinuðu
þjóðanna, en hinir nefndarmennimir eru: Finnur Jóns-
son, dómsmálaráðherra, Bjarni Benediktsson, borgarstjóri
í Reykjavík, og Ólafur Jóhannesson, lögfræðingur.
Nóv.—Blöðin flytja þá fregn, að Miss Alda Pálsson
(dóttir Jónasar hljómfræðings og Emilíu Pálsson, í New
Westminster, B.C.), sem stundar nám á Toronto Con-
servatory of Music, hafi enn á ný hlotið námsverðlaun,
að þessu sinni samtals að upphæð $450.00, fyrir óvenju-
lega hæfileika og þekkingu í píanóspili. Jafnframt var
þess getið, að hún hefði nýlega efnt til hljómleika í ýms-
mn borgum í Austur-Canada, meðal annars í Ottawa og
Toronto, og leikið fjórum sinnum yfir canadiska útvarps-
kerfið.