Kirkjuritið - 01.07.1936, Qupperneq 20

271
Kirkjufiindur.
KirkjuritiÖ.
að Kirkjuherinn byggir á kenningargrundvelli ensku kirkjuunar,
og hefir kirkjuna að baki og starfar í sambandi við hana úti um
alt England. Hefir Kirkjuherinn unnið stórmikið starf meðal
hinna fátækaii stétta, bæði með beinni fjárhagslegri aðstoð og
kristindómsboðun meðal þessa fólks. Þetta er lingöngu leik-
mannastarf. Stofnandinn, Wilson Carlile, var upphaflega kaup-
maður, nú fjörgamall, 89 ára, en þó með furðanlegum starfskröft-
um. Kirkjuherinn hefir skóla fyrir starfsmenn sína, þar sem þeir
fá allmikla og praktiska mentun. Virtist mér þessi starfsemi mjög
vinsæl alstaðar þar, sem ég kyntist henni eða heyrði hennar
getið. Miðstöð starfsins er i London, geysimikið hús og vandað,
og var þar merkilegt að koma. Á sama grundvelli starfar Kirkens
Korshær í Kaupmannahöfn, enda virðist sniðinn eftir Kirkjuhern-
um enska. Þannig mætti lengi nefna ýms félög'og stofnanir, sem
vinna fyrir hina bágstöddu á mörgum sviðum. En auk þess er
sú starfsemi, sem fram fer innan hvers safnaðar og heyrir safn-
aðarstarfseminni til. Er mjög algengt i kirkjum erlendis að sjá
við dyrnar samskotabauk, sem á eru letruð orðin: Til fátækra,
og stundum er sérstök fjársöfnun eða samskot í þessu augnamiði,
og er fénu siðan ráðstafað eftir því sem þörfin krefur. Þá er oft
séð fyrir hjúkrun eða hjálp við heimilisstörf o. s. frv., að ógleymd-
um hinum svonefndu dagheimilum, þar sem mæður geta látið
börn sin dvelja á daginn.
Kem ég þá að þvi starfi leikmanna, sem ég nefndi fræðslustarf-
semi i hinni kristilegu trú og boðun fagnaðarerindisins meðal
mannanna. Ég nefni þá fyrst sunnudagaskólana, sem mjög eru
algengir bæði á Norðurlöndum og i Englandi. Var mér sagt, að
þeir væru svo algengir í Englandi, að þar væru fáir söfnuðir,
jafnvel í sveitum, þar sem ekki væri sunnudagaskóli starfandi.
Hér á landi munu menn lítt kunnir þessari starfsemi, nema í
kaupstöðum landsins, og tel ég því rétt að skýra með fám orðum,
hvað luin er og hvernig starfað er. Sunnudagaskólar eru kristi-
legar samkomur fyrir börn og við barna 'hæfi. Krefst hún oft
allmargra starfsmanna, og að vísu eftir fjölda barnanna, því
að þeim er oft skift í flokka, og þannig, að hver starfsmaður talar
við sinn flokk. Hér er að sjálfsögðu um samtal að ræða, en ekki
ræður, börnin lesa ritningargreinar og vers, sem þau síðan eru
reynd í. Svo er líka oft stutt ávarp til allra í einu og að sjálfsögðu
sungin vers og sálmalög o. s. frv. Er þessi starfsemi vinsæl og
þátttaka oft mikil, enda eru sunnudagaskólar þessir mjög nauð-
synlegir, þar eð börn geta eðlilega ekki liaft not hinnar almennu
guðsþjónustu safnaðarins.
Þá má nefna hin kristilegu skátafélög, sem starfa í sambandi