Kirkjuritið - 01.12.1939, Side 17

Kirkjuritið. Gimsteinn á dagana festi. 359
mildur hjálpar oss til að þroslcast að skilningi á eilífu gildi
iiaus, sem „kom til þess að lýsa þeim, sem búa í myrkri
og skugga og til þess að beina fótum vorum á friðar veg.“
Barnasálmur.
Nú hringja klukkur inn helga stund.
Nú hjörtun fagna og glaðnar lund,
er sálmar óma við orgelshljóm
og æskan syngur þá glöðum róm.
A bænarvængjum nú svífur sál,
er sæl vér hlýðum á guðspjallsmál.
Ó, kom þú, ljúfasti lausnarinn,
— og legg nú blessun á hópinn þinn.
Hann kemur — kemur! Hann lýtur lágt
til líknar heimi, sem á svo bágt.
Hann hreinsar geigvænleg syndasár.
Hann signir æskunnar björtu tár.
„Sjá, hér er guðshús og himins hlið“
og hjörtun öðlast Guðs djúpa frið.
Og þegar hringd er inn heilög stund,
vér hingað komum — á Jesú fund.
V.