Eimreiðin - 01.10.1937, Qupperneq 82

XO.WI ÁTTRÆÐUR
eimreiðin
42(5
á hestbaki, eins og þá tíðkaðist, þvert yfir landið. Engin orð
fá lýst tilfinning'um sira Jóns, er hann eftir allan þennan
tíma lítur hinar fornu slóðir. Endurminningarnar streyma
yfir hann með ómótstæðilegu afli. Hann minnist ástríkra for-
eldra, systkina sinna, Boggu og Manna, og allra leiksystkin-
anna. Alt er þetta horfið. Hann fyllist óumræðilegum trega,
finst hann vera einmana og eins og gestur meðal mannanna.
Endurminningar sínar um þetta ferðalag þeirra félaga birti
síra Jón í danska vikuritinu „Nordisk Ugeblad“ („Et Ridt
gennem Island“. Rejseerindringer). Þessar ágætu ferðalýsingai'
hans vöktu svo mikla athygli, að þeim var þegar snúið á ýms
tungumál, m. a. þýzku, ensku, frönsku og voru jafnvel birtar i
tímaritum í Suður-Afríku! Mátti því segja að þessi fyrsta til-
raun hafi tekist vel, og myndarlega haldið úr hlaði. Síra Jón
undi ekki allskostar hag sínum í Ordrup. Ekki fyrir það að hon-
um félli ekki kenslustarfið í geð, heldur hitt, hve yfirmenn
hans mátu Htils rithöfundarhæfileika hans. Olli þetta honum
mikils angurs, því hann var sjálfur sannfærður um getu sína,
fengi hann nægilegt næði og aðhlynningu. Ferðalýsingar sínar,
„Et Ridt gennem Island“ og hina ágætu ritgerð um fornbók-
mentir vorar, „Islandsblomster", ritaði hann að mestu á nætur-
þeli. Hefur síra Jón sjálfur sagt mér svo frá, að vera hans í Ord-
rup hafi verið þyrnum stráð og sannur reynsluskóli. Erfiðleik-
ar þessir, ásamt hinu umsvifamikla kenslu- og' trúboðsstarfi>
eyddu smám saman starfsþoli síra Jóns. Hrörnaði heilsu hans
svo mjög', að hann fékk ekki lengur starfað. í Exaten á Hol-
landi naut hann þeirra hvíldar, sem ein var þess megnug
að bæta heilsu hans. Náði síra Jón sér furðu fljótt og gat bráð-
lega tekið til starfa á ný. Tók hann nú til óspiltra málanna,
því nú voru engar hömlur lagðar i götu hans. Á skömmum
tíma skapar hann hina ódauðlegu bók sína „Nonna“, sem ein
út af fyrir sig mundi nægja til þess að halda nafni hans a
lofti. „Nonni“ vakti þegar feikilega athygli og skipaði síra
Jóni Sveinssyni í einni svipan i röð hinna fremstu höfunda.
Margir hinna ágætustu bókmentafræðinga fengu ekki nóg-
samlega lofað ritsnild hans. Jafnvel mestu andans menn, eins
og hinn heimsfrægi franski rithöfundur Poul Bourget, eru
fullir aðdáunar og hrifningar. í þennan sama streng taka