Tímarit lögfræðinga - 01.06.1961, Blaðsíða 23

Ef litið er til þeirra brejrtinga, sem orðið hafa á námi
og prófum í lagadeild frá stofnun háskólans til þessa
dags, verður ekki sagt, að þær séu stórfelldar. Sívax-
andi afskipti hins opinbera á ýmsum sviðum, hljóta að
leiða til þess að opinberum rétti verður að ætla meira
rúm en var. Því hefur t. d. verið tekin upp kennsla i
stjórnarfarsrétti og voru rejmdar efni til þess fyrr. Vá-
tryggingarétti og skattarétti hafa og verið gerð nokkur
skil. Æfingar i úrlausn raunhæfra verkefna, sem upp
voru teknar samkv. augl. nr. 47/1936, og aukin áherzla
hefur verið lögð á, miða að þvi, að kandidatar séu bet-
ur undir það búnir að leysa raunhæf vandamál, að prófi
loknu heldur en var, er námið var aðeins fræðilegt. Skipt-
ing prófa þótti til bóta er námsefnið fór vaxandi, og
auk þess er hún til þess fallin að fá úr því skorið f}frr
en var, hvort stúdent hefur i raun og veru getu og vilja
til þess að ljúka embættisprófi. Undirbúningspróf í al-
mennri lögfræði miðar og í siðastnefnda átt.
Um vísindaleg störf á sviði lagadeildar og lögfræði
er því miður ekki af miklu að státa, enda ekki svo um
búið hag og aðstöðu að mikils megi vænta. Allmikið
er þó til af íslenzkum kennslubókum i lögfræði, tveir
menn hafa varið doktorsritgerðir. (Dr. Björn Þórðar-
son og dr. Þórður Ej'jólfsson), tvö lögfræðirit hafa kom-
ið út um árabil (Ulfljótur, er laganemar gefa út, svo og
rit það, sem grein þessi birtist í). Nokkrir íslenzkir lög-
fræðingar hafa stundað framhaldsnám erlendis og tekið
próf. þar. Vísindasjóður, sem nýlega var stofnaður, ætti
að efla fræðistörf m. a. í lögum. Það er nokkuð almenn
skoðun, að hlutverk lagadeildar sé nánast það eitt að
undirbúa nemendur undir embættis og sýslunarstörf. Og
ef ályktun má draga af afstöðu ríkisstjórna landsins til
deildarinnar, virðist sá skilningur ofarlega á baugi,
einnig þar.
En sjálfstætt ríki með nokkra sérstöðu á ýmsum svið-
um, er leiða hlýtur til sérstæðrar löggjafar, verður að
Tímcirit lögfræðinga
69