Tímarit lögfræðinga - 01.06.1961, Page 42

um flestra þeirra og lífið og sálin í framkvæmdum öllum.
Hann hefur manna bezt beitt sér fyrir því, að nýjum kennslu-
greinum yrði bætt við upprunalegt starfssvið háskólans og
mjög stuðlað að öðru leyti að vexti og efiingu háskólans. Hann
hefur getið sér frábæran orðstír fyrir dugnað og atorku, stjórn-
semi og stjórnsýslu. Hann hefur helgað starfskrafta sína
óskipta Háskóla íslands, og mun hans jafnan verða minnzt
sem eins hins mesta atkvæðamanns háskólans.
Fyrir því telur Háskóli íslands sér heiður að því að sæma
Alexander Jóhannesson nafnbótinni doctor juris honoris causa.
Bjarni Benediktsson er fæddur 1908. Hann varð prófessor
í lögfræði við Háskóla íslands 1932, aðeins 24 ára gamall, en
fékk lausn frá embætti 1941. Hann var borgarstjóri í Reykja-
vík 1940—1947 og hefur setið s Alþingi síðan 1942. Árið 1947
var hann skipaður utanríkis- og dómsmálaráðherra og hefur
jafnan síðan átt sæti í ríkisstjórn nema á árunum 1956—1959.
Hefur hann þá alltaf verið dómsmálaráðherra og í því starfi
mjög beitt sér fyrir þýðingarmiklum löggjafarumbótum, ekki
sízt á sviði réttarfarslögjafar. Forsætisráðherraembætti hefur
hann gegnt síðan 14. sept. síðastl.
Eftir Bjarna Benediktsson liggja merk og veigamikil rit
á sviði stjórnlagafræði auk margra ritgerða um lögfræðileg
efni í lögfræðitímaritum og víðar. Kunnastur er hann sem
fræðimaður fyrir rit sitt um deildir Alþingis, grundvallarrit,
sem reist er á geysivíðtækum og vönduðum rannsóknum um
efni, sem er mjög mikilvægt í íslenzkri lögfræði og stjórn-
vísindum.
Af þessum sökum er Háskóla íslands heiður að því að sæma
Bjarna Benediktsson nafnbótinni doctor juris honoris causa.
Oscar Alfred Borum er fæddur 1894. Hann varð prófessor
við Kaupmannahafnarháskóla 1930 og hefur kennt þar sifja-
rétt, erfðarétt, persónurétt og alþjóðlegan einkamálarétt og
hin síðari ár félagarétt. Hann er afkastamikill rithöfundur
í fræðigreinum sínum, og hafa ýmsar kennslubækur hans
verið notaðar um langt árabil við lagadeild Háskóla íslands.
Hann hefur starfað mikið í samtökum danskra lögfræðinga
og hefur m. a. verið formaður í lögfræðingafélaginu danska.
Hann hefur tekið virkan og mikilsverðan þátt í norrænni sam-
88
Timarit löcjfrœðinga