Tímarit lögfræðinga - 01.07.1973, Blaðsíða 7

allir, sem þar höfðu unnið með honum áður, en sú dvöl varð því miður of
stutt. Skömmu eftir að hann kom aftur kenndi hann banameinsins. Mér er
hugstæð barátta hans við þann vágest. Hann hvikaði aldrei, kvartaði ekki
og stóð við störf sín, meðan stætt var, án þess að bitnaði á nokkrum öðrum
en honum sjálfum. Við fráfall hans er mestur missirinn eiginkonu hans, Krist-
jönu Káradóttur frá Garði í Kelduhverfi, og þessum fábreyttu línum fylgja
samúðarkveðjur mínar til hennar. Þar mæli ég einnig fyrir munn annarra
samstarfsmanna á skrifstofu borgarfógeta. Unnsteinn Beck
VALDIMAR STEFÁNSSON
Hinn 23. apríl s.l. andaðist Valdimar Stefáns-
son saksóknari ríkisins. Hann hafði um allmörg
undanfarin ár átt við vanheilsu að stríða, en
gegndi þó störfum sínum með árvekni og sam-
vizkusemi, enda voru honum þær dyggðir [
blóð bornar. Hið sviplega fráfall hans kom því
flestum á óvart, og létu sumir segja sér lát
hans tvisvar.
Valdimar var fæddur 24. september 1910 í
Fagraskógi við Eyjafjörð. Faðir hans var Stefán
Baldvin Stefánsson síðast prests að Hálsi t
Fnjóskadal og konu hans Guðrúnar Jónsdóttur
bónda á Brúnastöðum í Fljótum. Móðir Valdi-
mars var Ragnheiður Davíðsdóttir prófasts að
Hofi í Hörgárdal Guðmundssonar bónda að
Vindhæli á Skagaströnd, en kona Davíðs var
Sigríður Ólafsdóttir Briem að Grund í Eyjafirði. Er hér um kunnar norðlenzkar
ættir að ræða, sem óþarft er að rekja. Stefán faðir Valdimars var búhöldur
góður, áhugamaður um félagsmál og framkvæmdir, enda alþingismaður Ey-
firðinga um árabil. Þess má og geta, að bróðir Valdimars, Stefán Stefánsson
lögfræðingur og lengi bóndi í Fagraskógi, var bæði landkjörinn þingmaður og
þingmaður Eyfirðinga 1946—1952, en Davíð — afi Valdimars — var þingmað-
ur Skagfirðinga 1869—79.
Valdimar Stefánsson valdi sér ekki leið stórbændanna — forfeðra sinna —
og eigi haslaði hann sér völl á sviði stjórnmála, heldur beindist hugur hans
í aðra átt. Hann varð stúdent frá Akureyrarskóla 1930 og lauk lagaprófi frá
Háskóla íslands 1934 með mjög góðri I. einkunn. Fyrst eftir próf sinnti Valdi-
mar ýmsum lögfræðistörfum bæði hér í Reykjavík og annars staðar. Mun hann
á þeim árum hafa öðlazt þekkingu á ýmsum sviðum, er síðar komu að góðu
haldi og þá ekki sízt kynnzt fjölbreytni mannlífsins og viðbrögðum manna
við mismunandi aðstæður. En haustið 1936 gerðist hann fulltrúi hjá lögreglu-
stjóranum í Reykjavík og má segja, að þaðan af hafi störf hans aðallega verið
á sviði refsiréttar og refsiréttarfars. Er embætti lögreglustjóra var skipt, varð
hann - 6/1 1940 - ftr. sakadómara og síðar stundum settur sakadómari. Hann
var skipaður sakadómari 26/4 1947 og yfirsakadómari 21/4 1961. Er embætti
saksóknara ríkisins var lögfest, var Valdimar skipaður saksóknari, og gegndi
5