Tímarit lögfræðinga - 01.07.1973, Blaðsíða 18

Hafi framtal ekki borizt, skal skattstjóri áætla tekjur og eign skatt-
þegns svo ríflega, að ekki sé hætt við, að upphæðin sé sett lægri en
hún á að vera í raun réttri að viðbættu 25% álagi, sbr. 4. mgr. 47. gr.
Hafi framtal komið óundirritað, ber ekki að taka það til greina, en
gefa ætti framteljanda kost á að bæta úr gallanum. t þessu sambandi
vil ég benda á Hrd. XXXVII bls. 907. Þar voru málavextir þeir, að
skattayfirvöld höfðu lagt óundirritaða og óstaðfesta reikninga til
grundvallar álagningu. 1 dónmum var talið, að þessi ófullkomnu reikn-
ingsgögn hafi eigi mátt koma í stað iögboðinna heitfestra skatt-
skýrslna, og var álagningin því ómerkt.
Fjögur úrræði.
Þegar skattstjóri hefur lokið skattaálagningu sinni, má segja að
skattþegn hafi f j óra möguleika til að fá fram breytingu á álagningunni.
I fyrsta lagi getur skattþegn sent kæru til skattstjóra (og síðar til
ríkisskattanefndar) innan tilskilins kærufrests, í öðru lagi getur hann
sent skattstjóra skattbeiðni skv. heimild í 52. gr. laga nr. 68/1971, í
þriðja lagi getur hann farið fram á upptöku ríkisskattstjóra á málinu
skv. 4. mgr. 42. gr. laga 68/1971 og í fjórða lagi getur hann lagt málið
fyrir dómstólana.
Kæra til skattstjóra.
Samkvæmt 40. gr. laga nr. 68/1971 getur hver sá, sem telur skatt
sinn eigi rétt ákveðinn, sent skriflega kæru studda nauðsynlegum
gögnum til skattstjóra eða umboðsmanns hans innan 14 daga, frá því
að skattskrá er lögð fram eða póstlögð var tilkynning um skattbreyt-
ingu, sbr. 4. mgr. 38. gr. Skulu skattstjórar hafa úrskurðað kærurnar
innan tveggja mánaða frá lokum kærufrests, og skulu úrskurðirnir
vera rökstuddir. Samkvæmt þessari lagagrein skulu kærur vera skrif-
legar, og það nýmæli er sett í grein þessa, að kæra skuli studd nauðsyn-
legum gögnum. Hvað teljast nauðsynleg gögn hverju sinni, hlýtur að
verða að metast út frá því, hvor beri sönnunarbyrðina, skattþegn eða
skattyfirvöld. Þannig þyrfti skattþegn, sem kærir á þeim forsendum,
að hann eigi rétt á námsfrádrætti, væntanlega að leggja fram vottorð
frá viðkomandi skóla, ef vottorð hefur ekki borizt skattayfirvöldum,
og skattþegn, sem ekki hefur talið fram og kærir á þeim forsendum,
að tekjur séu ofáætlaðar, þyrfti að láta framtal fylgja kæru sinni, til
þess að hún væri tekin til greina.
Sem dæmi um rangt mat skattayfirvalda á sönnunarbyrði, vil ég
nefna þá ákvörðun skattstjóra að láta launamiða gilda sem sönnun
16