Tímarit lögfræðinga - 01.07.1973, Blaðsíða 65

Bandalagi
háskólamanna
NÝ LÖG UM KJARASAMNINGA
OPINBERRA STARFSMANNA
Fyrir Ikömmu voru sett ný lög um kjarasamninga opinberra starfsmanna,
lög nr. 46/1973.
Lagasetningin byggðist á frumvarpi, sem samið var af nefnd, er fjármála-
ráðherra skipaði 7. marz 1972 til að „endurskoða gildandi lög nr. 38/1954
um réttindi og skyldur starfsmanna ríkisins með síðari breytingum, lög nr.
55/ 1962 um kjarasamninga opinberra starfsmanna, með síðari breytingum,
svo og lög nr. 33/1915 um verkfall opinberra starfsmanna". i nefndinni áttu
sæti: Benedikt Sigurjónsson hrd., formaður, Arnmundur Backman lögfræð-
ingur, Björgvin Vilmundarson bankastjóri, dr. Gunnar Thoroddsen prófessor,
Ingólfur A. Þorkelsson kennari, Vilhjálmur Hjálmarsson alþm., Kristján Thor-
lacius deildarstjóri, nefndur af Bandalagi starfsmanna ríkis og bæja (BSRB),
Albert Kristinsson deildarstjóri, nefndur af BSRB og dr. Ragnar Ingimarsson
dósent, nefndur af Bandalagi háskólamanna (BHM). Varamenn voru Ingi Krist-
insson skólastjóri frá BSRB og Þór Vilhjálmsson prófessor frá BHM, og tóku
þeir þátt í störfum nefndarinnar. Dr. Ragnar Ingimarsson hætti störfum í
nefndinni á s.l. vetri, en í hans stað kom Hrafn Bragason borgardómari, nefnd-
ur af BHM.
í erindisbréfi til nefndarmanna var vitnað til málefnasamnings ríkisstjórnar-
innar, en þar segir: „Ríkisstjórnin vill, að opinberir starfsmenn fái fullan
samningsrétt um kjör sín, enda hverfi þá öll sjálfvirk tengsl á milli launa-
samninga þeirra og annars launafólks." Við þetta hafði ráðherra bætt þessari
setningu: ,,Þá skal lagt til grundvallar að ríkið geti ætíð rækt brýnustu starf-
semi sína, þótt ríkisstarfsmönnum verði að einhverju marki veittur verkfalls-
réttur." Nefndin gerði ráð fyrir því í upphafi, að opinberum starfsmönnum
yrði veittur verkfallsréttur. Skoðanir nefndarmanna reyndust nokkuð skiptar
um lausn þessara mála, sérstaklega ráðningarkjör og víðfeðmi verkfallsrétt-
ar. Fulltrúar stéttarfélaga opinberra starfsmanna í nefndinni beindu spurning-
um til fjármálaráðuneytisins um þessi atriði, en svör fengust seint og voru
nokkuð óljós. Fljótlega kom fram, að bæði ráðuneytið og félögin settu sig
í samningastöðu varðandi endurskoðun laganna.
Gildandi kjarasamningar renna út 31. desember 1973. Eftir áramótin síð-
ustu varð Ijóst, að ógerlegt var að Ijúka heildarendurskoðun svo snemma, að
nýjum reglum yrði beitt um þá samninga, sem taka eiga gildi 1. janúar 1974.
63