Tímarit lögfræðinga - 01.12.1975, Síða 23

gr. VSL, bæði að því er varðar kröfu bótaþega gegn þeim, sem skaða-
bótaábyrgð þer á slysinu, og endurkröfu Tryggingastofnunar ríkisins
(sbr. þó ýmis frávik varðandi endurkröfuréttinn, er getið var í 9. og
10. kafla hér að framan).
Þegar bótaþegi, sem krefst skaðabóta á grundvelli almennra skaða-
bótaregla, á sjálfur nokkra sök á tjóni sínu, getur það skipt máli um
heildarbótafjárhæð til hans, hvort slysatryggingarbætur eru dregnar
frá metnu heildartjóni hans á undan eða eftir að frádrætti vegna sak-
arskiptingar er beitt. Til skýringar má nefna eftirfarandi dæmi:
Dæmi I:
Heildartjón bótaþega metið eftir almennum skaðabóta-
reglum .............................................kr. 1.000.000
-r frádráttur v/eigin sakar tjónþola (50%) . . . . — 500.000
ki\ 500.000
-r- slysatryggingarbætur frá Tryggingastofnun ríkisins — 200.000
Greiðsla hins skaðabótaskylda .........................kr. 300.000
Dæmi II:
Heildartjón bótaþega metið eftir almennum skaðabóta-
reglum ............................................kr. 1.000.000
-5- slysatryggingarbætur frá Tryggingastofnun ríkisins — 200.000
kr! 800.000
-r- frádráttur v/eigin sakar tjónþola (50%) . . . . — 400.000
Greiðsla hins skaðabótaskylda ........................kr. 400.000
Aðferðin í dæmi II er hagstæðari tjónþola og er henni ávallt beitt,
sjá t. d. Hrd. 1969, 728. í þeim dómi kemur einnig skýrt fram, að
greiðslur, er hinn skaðabótaskyldi hefur áður innt af hendi til tjón-
þola, ber að sjálfsögðu að draga frá nettó tjóni, þ. e. eftir að búið er
að gera frádrátt vegna sakarskiptingar.
12. Skylda til að tilkynna slys. Fyrning bótakröfu
I 1. mgr. 28. gr. ATL segir, að skylt sé að tilkynna um slys, sem
ætla má bótaskylt skv. IV. kafla laganna. Um slysið skal tilkynnt tafar-
laust til Tryggingastofnunar ríkisins í Reykjavík, en utan Reykjavíkur
til lögreglustjóra eða umboðsmanns hans. I lagagreininni segir, að til-
kynningarskyldan hvíli á atvinnurekanda eða hinum tryggða. Þetta
mun þýða, að það er tryggingarskyldur eða tryggingarkaupandi, sem
161