Tímarit lögfræðinga - 01.12.1975, Page 53

Svo er um samið, að enginn starfsmaður lækki í launum vegna þessara
breytinga.
Yfirvinnukaup: Eftir núgildandi samningum er tímakaup fyrir yfirvinnu 1%
af mánaðarlaunum samkvæmt 4. launaþrepi. En með hinum nýju samningum
verður tímakaup þetta 1% af mánaðarlaunum miðað við það launaþrep, sem
viðkomandi starfsmaður tekur laun eftir. Þó er svo um samið, að enginn skuli
lækka í launum vegna þessara breytinga. Hins vegar hækkar við þetta yfir-
vinnukaup þeirra, sem taka laun skv. 5. launaþrepi.
Þá er það og nýmæli í greininni um yfirvinnukaup að semja má í sérkjara-
samningi um fasta mánaðarlega þóknun fyrir yfirvinnu.
Vaktaálag: Samkvæmt hinum nýja samningi verður vaktaálag nú reiknað
sem 33% af dagvinnutímakaupi. Hingað til hefur álag þetta numið ákveðnum
krónufjölda á klukkustund, jafnt fyrir alla.
Orlofsfé á yfirvinnu: í hinum nýja samningi féllst ríkið á þá kröfu BHM að
greiða orlof á yfirvinnu. Er prósentutalan mismunandi eftir starfsaldri og lífs-
aldri allt frá 8,33% upp í 10,20% miðað við 20 ára starfsaldur eða 50 ára
lífsaldur. Þessi ákvæði koma til framkvæmda 1. maí 1976, og verður fyrst
greitt orlofsféð samkvæmt þeim í maí 1977.
Þegar þetta er ritað (3. jan. 1976) hefur hins vegar ekki náðst samkomulag
um greiðslu orlofsframlags vegna yfirvinnu fyrir gildistöku þessa samnings.
Þá má geta þess, að tímabil sumarorlofs hefur lengst um hálfan mánuð.
Það færist fram til 15. maí (er nú 1. júní). Síðari tímamörkin eru enn hin sömu
(30. september).
Enn er það nýmæli, að greiða skal dánarbúi áunnin orlofsrétt látins starfs-
manns.
Orlofssjóður: í aðalkjarasamningnum er það nú tekið fram berum orðum,
að ríkissjóður greiði 0,25% gjald af föstum launum félagsmanna BHM í þjón-
ustu ríkisins. Rennur gjald þetta í orlofssjóð bandalagsins.
Sérkiarasamningar: Að endingu er rétt að vekja athygli á því, að í sér-
kjarasamningum hinna einstöku félaga innan BHM má m. a. semja um það,
hvernig tryggja skuli, að þeir, sem bera einir ábyrgð á embætti fyrir ákveðið
umdæmi, geti fengið staðgengil, þannig að þeir komist í orlof. (Þetta gæti
t. d. átt við um sýslumenn.) í sérkjarasamningum má einnig semja um það,
með hvaða hætti skuli launa sér^taklega ,,fyrir sérstaka hæfni eða starfs-
árangur". Þá má og semja um eftirmenntun, vátryggingar o. fl. atriði, sem
ekki verða upptalin hér.
Magnús Thoroddsen
191