Tímarit lögfræðinga - 01.11.1983, Side 14

Á æskuárum var Þorvarður á sumrin í sveit hjá frændfólki sínu á Egils-
stöðum og átti hann þaðan góðar minningar. Hann unni landbúnaði og hafði
sérstakt uppáhald á hestum, enda átti hann jafnan gæðinga, sem hann hugs-
aði sjálfur um og var það hans tómstundagaman auk bóklesturs.
Að laganámi loknu 1944 skildu leiðir okkar. Þorvarður Kjerúlf varð, eins
og áður greinir, ráðuneytisstarfsmaður í áratugi en ég hóf störf úti á lands-
byggðinni. Á ferðum mínum til Reykjavíkur kom ég oft á heimili hans og
fékk þar jafnan hinar ágætustu móttökur, enda var Þorvarður höfðingi heim
að sækja og var honum eðlilegt að vera gestgjafi. Oft leitaði ég aðstoðar
hans þegar ég þurfti að sinna erindum í ráðuneytum, og brást það ekki að
alltaf var hann reiðubúinn til hjálpar, enda vildi hann hvers manns vanda
leysa.
Sumarið 1976 komum við hjónin til ísafjarðar og minnumst við með ánægju
og þakklæti hve frábærar móttökur við fengum þar hjá sýslumannshjónun-
um frú Magdalenu og Þorvarði Kjerúlf.
Góður drengur er horfinn af sjónarsviðinu.
Ég flyt konu hans, börnum og aðstandendum innilegar samúðarkveðjur.
Björgvin Bjarnason
132