Tímarit lögfræðinga - 01.11.1983, Qupperneq 80

gjaldkeri en Þorgeir örlygsson ritari. Framkvæmdastjóri Tímarits Lögfræð-
inga var ráðin Ólöf Pétursdóttir.
í varastjórn félagsins voru kjörnir Hallvarður Einvarðsson rannsóknarlög-
reglustjóri; Hjalti Zóphanfasson deildarstjóri; Jón Steinar Gunnlaugsson hrl.;
Jónatan Þórmundsson prófessor; Stefán Már Stefánsson prófessor og Þór
Vilhjálmsson hæstaréttardómari. Endurskoðendur voru kjörnir Helgi V. Jóns-
son hrl. og Sigurður Baldursson hrl., en til vara Guðmundur Skaftason hrl.
og Friðgeir Björnsson, borgardómari.
í lok fundarins kvaddi nýkjörinn formaður, Arnljótur Björnsson, sér hljóðs.
Þakkaði hann það traust, er sér hefði verið sýnt á fundinum og færði jafn-
framt fráfarandi formanni og stjórn þakkir fyrir vel unnin störf á liðnu
starfsári.
Fundarstjóri á aðalfundinum var Þór Vilhjálmsson hæstaréttardómari.
Þorgeir Örlygsson
NORRÆNT LÖGFRÆÐINGAÞING 15.—17.
ÁGÚST 1984
Þrítugasta norræna lögfræðingaþingið verður haldið í Osló 15.—17. ágúst
n. k., en síðasta norræna lögfræðingaþingið fór fram í Stokkhólmi í ágúst 1981.
Á þinginu verður fjallað um margvfsleg lögfræðileg viðfangsefni, sem eru
ofarlega á baugi á Norðurlöndum. Tvö umræðuefni verða á allsherjarfundum,
þ. e. um tölvutækni í þágu lögfræði og lagastofnana og um lögin og fjölmiðla.
Þá verður fjallað um 18 efni [ deildum (skorum), Meðal þessara umræðuefna
eru hafréttarreglur og Norðurlöndin; réttarreglur um tæknifrjóvgun; rannsókn
fíkniefnamála og sönnunarvanda í þeim; stöðu þess, sem misgert er við skv.
reglum opinbers réttarfars; sjálfstæði lögmanna sérstaklega gagnvart stjórn-
völdum; ríkisborgararéttur og kosningaréttur, tjón af völdum olíu og önnur
umhverfisspjöll; forsamningar; vinnudeilur, sem ógna þjóðarhag; mútur og
skyld brot; munnlegur og skriflegur málflutningur; vandamál í sambandi við
viðurlög í skattarétti (,,omgáelsesproblemet“); réttur til forsjár og réttarör-
yggi á vettvangi félagsmálalöggjafar og svo heimildarlöggjöf og annað fram-
sal af hálfu löggjafarvalds. Sum þessara efna kunna að verða rædd f um-
ræðuhópum. Tveir íslenskir lögfræðingar eru meðal framsögumanna, prófess-
or dr. Gunnar Schram verður aðalframsögumaður í hafréttarmálinu og Garð-
ar Gíslason borgardómari verður annar famsögumaður í viðfangsefninu um
lagareglur í sambandi við tæknifrjóvgun. Þá verður Þór Vilhjálmsson forseti
Hæstaréttar þátttakandi [ hringborðsumræðum um efnið lögin og fjölmiðlarnir.
Tilkynning um þátttöku þarf að hafa borist Birni Helgasyni hæstaréttar-
ritara eigi síðar en 26. mars n. k. I stjórn íslandsdeildar norrænu lögfræð-
ingaþinganna eiga nú sæti: Ármann Snævarr hæstaréttardómari, formaður;
Árni Kolbeinsson deildarstjóri; Baldur Möller ráðuneytisstjóri; Benedikt Blönd-
al hæstaréttarlögmaður; Björn Sveinbjörnsson hæstaréttardómari; Guðmund-
ur Ingvi Sigurðsson hæstaréttarlögmaður; Guðrún Erlendsdóttir dósent; Hrafn
Bragason borgardómari og Þór Vilhjálmsson hæstaréttardómari.
Formaður Noregsdeildar norrænu lögfræðingaþinganna er dr. Carsten
Smith prófessor. Ármann Snævarr
198