Tímarit lögfræðinga - 01.12.1987, Qupperneq 60

Dómarafélag íslands er aðili að samtökum norrænna dómarasamtaka og
hefur á undanförnum árum sent fulltrúa á nokkra fundi á þeirra vegum. Á
síðasta ári var ekki unnt að senda fulltrúa á slíkan fund vegna fjárskorts.
Formaður félagsins ritaði því dómsmálaráðherra bréf í október s.l., þar sem
farið er fram á, að hann beiti sér fyrir því, að félagið fái fastan tekjustofn á
svipaðan hátt og Lögmannafélag íslands hefur notið af málagjaldi um
magra ára skeið.
1 undirbúningi hefur verið á vegum stjórnar D.í. ferð félagsmanna til stofn-
ana Evrópuráðsins í Strassbourg og einnig til Karlsruhe í Vestur-Þýskalandi.
Hefur verið haft samband við viðkomandi aðila vegna málsins.
Að ósk Orators tók formaður D.í. sæti á síðasta ári I stjórn Bókaútgáfu
Orators, sem er sjálfseignarstofnun.
[ stjórn Dómarafélags íslands 1986—1987 sátu auk formanns, Jóns Skafta-
sonar, Friðjón Guðröðarson, sýslumaður, varaformaður, Stefán Skarphéðins-
son, sýslumaður, ritari, Valtýr Sigurðsson, héraðsdómari, gjaldkeri og Jónas
Gústavsson, borgarfógeti, meðstjórnandi. Varastjórn skipuðu Már Pétursson,
sýslumaður og bæjarfógeti og Sigríður Ingvarsdóttir, héraðsdómari.
Á aðalfundinum gengu úr stjórn að eigin ósk Jón Skaftason og Jónas
Gústavsson. Stjórn félagsins er nú þannig skipuð: Friðgeir Björnsson, yfir-
borgardómari, Friðjón Guðröðarson, sýslumaður, varaformaður, Haraldur
Henrysson, sakadómari, ritari, Valtýr Sigurðsson, borgarfógeti, gjaldkeri, og
Stefán Skarphéðinsson, sýslumaður, meðstjórnandi. í varastjórn eru Már Pét-
ursson, sýslumaður og bæjarfógeti og Sigríður Ingvarsdóttir, héraðsdómari.
Haraldur Henrysson
282