Tímarit lögfræðinga - 01.12.1987, Side 61

Ávíð
02 dreif
TILLÖGUR UM BREYTINGAR Á LAGANAMI
Eiríkur Tómasson skrifaði nýlega leiðara í Tímarit lögfræðinga (37. árg., 1.
hefti 1987, bls. 1-2), sem hann kallaði „Er tímabært að breyta tilhögun laga-
náms?“ Hann nefnir þar fjöldamargar ástæður, sem hann telur réttlæta slíkar
breytingar, svo sem byltingu í öllum þjóðfélagsháttum, aukna fjölbreytni og
nýsköpun í störfum lögfræðinga, nánara samband við aðrar þjóðir, sívaxandi
samskipti við starfsbræður í öðrum löndum og samanburð við menntun ann-
arra háskólamanna. Allt þetta segir hann réttilega benda til þess, að þörfin
fyrir breytta skipan laganámsins, þ.m.t. aukna sérhæfingu, hafi aukist veru-
lega og þess vegna sé timabært að endurskoða núverandi fyrirkomulag.
Ég tek undir þessa röksemdafærslu Eiríks og trúlega eiga þessi skrif hans
eftir að hrista dálítið upp í annars dauflegri umræðu um þetta efni. Kringum-
stæðurnar, sem hann lýsir, og þó sérstaklega þjóðfélagsbyltingin, útheimta
ekki bara smábreytingar, heldur samsvarandi gjörbreytingar á laganáminu,
og það er í framhaldi af ummælum Eiríks, að ég leyfi mér að leggja fram
eftirfarandi hugmyndir um innihald og skipulag námsins í þeirri von, að þær
geti kannski enn frekar leitt til itarlegrar athugunar á þessum og öllum hinum
möguleikunum f stöðunni.
Hugmyndir mfnar um nýskipan laganáms fela í sér eftirfarandi form-
breytingar:
a) Einingakerfi (hver eining gæti táknað eina kennslustund eða málstofu-
tíma á okkar stuttu önnum), t.d. með viðmiðunina 15 einingar á önn.
b) Fjögurra ára eða átta anna laganám, þ.e. 120 einingar til embættisprófs
skv. áðurnefndri viðmiðun, án þess þó að stytting námstímans yrði á nokkurn
hátt til að draga úr námskröfum.
c) Skiptingu milli skyldu- og valgreina með stórauknu umfangi hinna síðar-
nefndu, sem myndu þar að auki flokkast í fimm sérsvið með tilheyrandi sér-
hæfingu (æskileg skipting gæti litið þannig út: 60+30+15+15, þ.e. helming-
urinn skyldugreinar, fjórðungur aðalsérsvið og ritgerð eða verkefni í hennar
stað, og fjórðungur tvö önnur aukasérsvið.
d) Niðurrif deildarmúra eða a.m.k. brúargerð milli deilda með tilliti til al-
mennra menntunarsjónarmiða svo og hagsmuna háskólaheildarinnar (hug-
mynda- og upplýsingaflæði milli deilda og sparnaður með því að koma í veg
fyrir tvíkennslu).
283