Tímarit lögfræðinga - 01.06.1988, Blaðsíða 20

3. mgr. 213. gr. gilda ákvæði 2. mgr. um skip í smíðum. Sjá nánar 3.
mgr.
Sérstök ákvæði um viðurkenningu samningsveða í erlendum skipum
(þ. á m. skipum, sem eru í smíðum erlendis) eru í 208. gr. sigll. Ekki
voru samsvarandi ákvæði í sigll. 1963. Segir í 1. mgr. 208. gr., að samn-
ingsveðréttur í erlendu skipi sé viðurkenndur gildur hér á landi með
skilyrðum, sem nánar eru greind í 1.-3. tl. málsgreinarinnar. Sam-
kvæmt 2. mgr. 208. gr. er veðréttur (ætti að vera samningsbundinn
veðréttur) í skipi, sem er í smíðum erlendis, viðurkenndur gildur hér
á landi, ef réttindin eru skráð í samræmi við lög ríkis, sem skip er
smíðað í. Sama gildir um eignarrétt að skipi.
10. SJÓVEÐRÉTTUR í FARMI
Miklu sjaldnar reynir á sjóveð í farmi en skipi. Um sjóveðrétt í farmi
eru reglur í 204.-207. gr. sigll. Auk þess varða ákvæði 209.-212. gr. sigll.
að meira eða minna leyti sjóveð í farmi. Enginn alþjóðasáttmáli gildir
um þetta efni. Brusselsamningurinn frá 1967 tekur ekki til sjóveðs í
farmi og í alþjóðasamningnum frá 1926 voru ekki heldur reglur um
það. Reglur sigll. 1985 um sjóveðrétt í farmi eru gerðar að norrænni
fyrirmynd. Eru þær í meginatriðum sama efnis og eldri reglur. 1 sum-
um atriðum eru breytingar ekki gerðar til samræmis við nýmæli ann-
ars staðar á Norðurlöndum, heldur haldið ákvæðum sigll. 1963.
1 nokkrum tilvikum veita sigll. manni haldsrétt í farmi auk sjóveð-
réttar, sjá 63. gr. (farmgjöld o. fl.), 156. gr. (sjótjónsframlag) og 170.
gr. (björgunarlaun vegna farms, skips eða annarra fjármuna). Er sér-
stakt álitaefni, hvort haldsréttur eftir þessum lagaákvæðum skipti í
reynd nokkru máli fyrir kröfuhafa.56 Verður ekki fjallað um það
hér.57
Kröfur, sem tryggðar eru með sjóveðrétti í farmi, eru taldar í 204.
gr. sigll., sem er nánast samhljóða 1. mgr. 225. gr. sigll. 1963. Þær eru
helstar: björgunarlaun, framlög til sameiginlegs sjótjóns, kröfur vegna
ráðstafana, sem gerðar eru af hálfu farmflytjanda í þágu eiganda
farms, farmgjald og aðrar kröfur, er farmflytjandi á skv. farmsamn-
ingi.
56 Sbr. t. d. Brækhus, bls. 187 og 220.
57 Um haldsrétt í farmi sjá H 1965, 260.
82