Tímarit lögfræðinga - 01.06.1990, Page 75

Á VÍÐ OG DREIF
FRÁGANGUR HANDRITA
Eftirfarandi ábendingar eru settar fram fyrst og fremst til þess að auðvelda
höfundum handritsgerð, til að tryggja nauðsynlegt samræmi, til að auðvelda
prófarkalestur og setningu og til að halda prentkostnaði í skefjum. Þetta eru
ekki ófrávíkjanlegar reglur en æskilegt er að höfnndar víki ekki frá þeim til muna
nema ærin ástæða sé til.
Handrit
Handrit skal afhenda á tölvudisklingi, helst í IBM kerfi eða í kerfi samhæfðu
því. Aðrir disklingar koma til greina ef hægt er að flytja efni af þeim á IBM
diskling.
Hafi höfundur ekki tök á að skila handriti á disklingi þarf það að vera vélritað
á pappír af stærðinni A4, öðru megin á hvert blað.
Tilvitnanir
Stuttar tilvitnanir mega vera innan gæsalappa, lengri tilvitnanir inndregnar
um fimm slög í handriti.
Breytt letur
Það sem á að vera með skáletri skal vera undirstrikað. Þá mun það verða með
breyttu letri í prentaða textanum. Það sem á að vera með feitu letri skal vera
feitletrað í handritinu. Forðast skal feitletrun í meginmáli eftir föngum.
Heiti ritgerða í texta skulu vera innan gæsalappa.
Neðanmálsgreinar
Tilvísanir til heimilda og annað neðanmálslesefni skal haft með samfelldri
tölumerkingu. í prentaða textanum verða tilvísanir neðanmáls með smærra
letri.
í lengri greinum sem eru kaflaskiptar má vera sjálfstæð tölumerking innan
hvers aðalkafla. Tilvísanatölur verða ofan við línu í prentaða textanum án sviga í
næsta stafabili aftan við greinarmerki. Frágangi handrita ber að haga á sama
69