Árbók Háskóla Íslands - 02.01.1913, Page 66

62
hefði tekið upp skurðaraðferðir. Það niun því mega fullyrða,
að Guðmundur Magnússon (læknir á íslandi 1892) hafi fyrstur
tekið upp lífhimnuskurð lil sulla hjer á landi (1893)1), og
síðan hafa skurðlækningar rutt sjer æ meira til rúms; brenslu-
aðferðin datt úr sögunni nálega þegar í stað, en ástungur hafa
reynst seigari. Hann viðhafði i fyrstu Volkmanns aðferð, og
slíkt hið sama gerðu aðrir læknar framan af: Guðmundur
Hannesson (læknir á íslandi 1894), sem notaði þessa aðferð
þegar á fyrsta ári, Sigurður Magnússon (Patreksfirði, læknir
1893), sem gerði þess konar skurð í fyrsta sinn 1895, og Guð-
muudur Björnsson (læknir á íslandi 1894), sem tók upp aðferð
þessa 1896. Síðan hver af öðrum, svo að meira en helmingur
þeirra lækna, sem nú eru á lífi, hefur haft urn hönd einhverja
skurðaraðferð. Smámsaman hafa allar þær aðferðir verið
reyndar, sem að framan var gelið, og þeir læknar, sem eiga
kost á spitala, nota nú á dögum skurðaraðferðir í einni at-
rennu, ýmist með punggerð eða án hennar. Jeg lief farið yfir
skýrslur íslenskra lækna til ársloka 1911. Eftir þeim er hjer
skrá yíir, hverir þeirra liafa viðhaft skurðlækning við sulluin
í innýflum, og hve oft.
Slcýrslurnar fram að 1905 eru í Landsskjalasafninu, eftir
þann tíma í skjalasafni landlæknis, og hefur liann góðfúslega
lánað mjer þær til afnota.
1) Bornemann, danskur skipslæknir, reyndi 1891 að skera til
sulls eftir Volkmanns aðferð tvisvar hjer á landi, en í hvorugt skiftið
varð verkinu lokið; annað skiftið gerði liann ekki nema fyrri atrenn-
una, hitt skiftið gerði hann lífhimnuskurð inn að sulli, stakk á honum,
en opnaði ekki með skurði, og lokaði siðan (Hospitalstidende 1891).