Búnaðarrit - 01.01.1890, Page 68
Hver ráð eru til að hvetja bændur
almennt til meiri framtaksemi
í búnaðinum?
Eptir
Einar Ásmundsson.
Jr*að eru sannarlega fá af málefnum lands vors, sem
eru jafnmikilsverð eins og landbúnaðurinn; á lionum
lifir mestur hluti þjóðarinnar, og eptir þvi, hvernig
búskapurinn gengur almennt, fer velmegun landsmanna
vorra að mestu leyti. Búnaðurinn í landinu hlýtur því
að vera eitt hið mesta áhugamál hvers þess íslendings,
sem ann ættjörð sinni og hefur einlægan vilja til að
styðja að framförum hennar og efla farsæld þjóðarinnar.
Þetta nær til hvers manns i landinu, í hverri stöðu
sem hanu er, ekki að eins til bændanna sjálfra ein-
göngu, þó það snerti þá mest og liggi þeim allra næst,
heldur einnig til allra annara, hvort sem þeir stunda
einhverja aðra atvinnuvegu, svo sem sjómennsku, hand-
iðnir, verzlun eða livað annað, eða þá að þeir eru em-
bættismenn, kennimenn, læknar eða valdsmenn. Hagur
hvers einstaks og hverrar sjerstakrar stjettar í landinu
eða þjóðfjelaginu er svo samvaxinn hag alls fjelagsins,
að jafnvel bág kjör eins einstaks meðlims þess eru því
til hnekkis, hvað þá ef mörg hundruð eða margar þús-
undir eiga við bágan kost að búa.