Búnaðarrit - 01.01.1890, Qupperneq 115

m
henni en þeir. Víða í sjóplássum er vel lagað til garð-
yrkju og svo hafa sjávarbændur gnægð af áburði, ösku,
sorpi, fiskslori, þangi, þara og fleiru, sem þeir geta ekki
notað til neins, ef þeir ekki stunda garðrækt. Sveita-
bændur eiga aptur erfitt með að missa áburð í garðana,
ef þeir á annað borð liugsa nokkuð verulega um gras-
ræktina. Mjer er nú ekki vel kunnugt um kornkaup
sjávarbænda nje um hitt, hversu mikið af þeim þeir
gætu sparað með því að leggja enn meiri stund á garð-
yrkjuna, og jeg skal því ekki segja neitt um þetta, en
.jeg skal bera saman fiski- og lýsissöluna við kornkaup-
in, til þess að sýna að sjávarbóndinn ætti ekki að
kaupa meira af kornvöru, en það sem minnst verður
komist af með og ekki að selja eins mikið af afla sín-
um og nú er gjört. Það er kunnugt að ný þorsklifur
er ágætt feitmeti, holl og nærandi og tekur langt fram
mörgum þeim feitartegundum, sem sjómenn kaupa, svo
sem tólg og smjör, misjafnlega verkað, að jeg ekki
nefni „margarinsmjörið", sem sjómenn eru nú farnir að
kaupa fyrir dýra dóma. Það er einnig kunnugt, að
þorskalýsi er nú í svo lágu verði, að ekki fæst fyrir
eitt pund af því meira en hjer um bil 16 aurar. Lifr-
ina selja menn stundum nýja, með svo lágu verði að
ekki nemur meira en 7—10 a. fyrir pd. af beztu lifur.
Allir, sem reynt hafa, munu kannast við, að ný þorska-
lifur sje eitthvert hið ljúffengasta og hollasta feitmeti,
sem kostur er á með nýjúm fisk og garðjurtum; einnig
má fá gott feitmeti með því að blanda lýsi úr nýrri lif-
ur saman við óþráa tólg; þegar svo þess er gætt, að
sjávarbóndinn fær ekki hjá kaupmanninum nema 7-10
aura fyrir 1 pd. af lifur eða svo sem 16 a. fyrir 1 pd.
af lýsi, þegar tunnan er á 36 kr., þá sýnist það vera
frámunalegt hugsunarleysi að selja lýsið eða lifrina með